કાર્તિક આર્યનના જીવનનો સૌથી મોટો ઘટસ્ફોટ: હું બધું જ છોડવા તૈયાર હતો! અને પછી…
બોલિવૂડનો ઉભરતો સ્ટાર કાર્તિક આર્યન આજે એક સફળ અભિનેતા તરીકે ઓળખાય છે પરંતુ તેની સફળતા મુશ્કેલ તબક્કામાંથી પસાર થયા બાદ મળી છે. તાજેતરમાં કાર્તિકે તેના જીવનના તે મુશ્કેલ સમયને યાદ કર્યો જ્યારે તેણે તેની માતાની કેન્સર સામેની લડાઈ દરમિયાન સંપૂર્ણપણે ભાંગી પડ્યો હતો. આ એ જ સમય હતો જ્યારે તેની ફિલ્મ સોનુ કે ટીટુ કી સ્વીટીનું શૂટિંગ ચાલી રહ્યું હતું અને તેને પોતાની પ્રોફેશનલ અને પર્સનલ લાઈફને બેલેન્સ કરવામાં મુશ્કેલી પડી રહી હતી.
કાર્તિકે કહ્યું કે જ્યારે તેની માતા માલા તિવારી કેન્સરથી પીડિત હતી ત્યારે તેણે ભાવનાત્મક રીતે ખૂબ જ મુશ્કેલ સમયનો સામનો કર્યો હતો. તેણે કહ્યું “મારા જીવનનો સૌથી નીચો તબક્કો મારી માતાના કેન્સર દરમિયાન હતો. હું સમજી શકતો ન હતો કે કેવી રીતે શૂટિંગ પર જવું અને કેવી રીતે કામ ચાલુ રાખવું. તે મારા જીવનનો સૌથી ખરાબ સમય હતો.”
આ મુશ્કેલ સમયમાં કાર્તિક માટે તેની ઉભરતી કારકિર્દી અને પારિવારિક જવાબદારીઓને સંતુલિત કરવી એક મોટો પડકાર સાબિત થયો. તેણે કબૂલ્યું કે ઘણી વખત તેને પોતાની કારકિર્દી સંપૂર્ણપણે છોડી દેવાનું મન થતું હતું. તેણે કહ્યું હું એક સમયે બધું જ છોડી દેવા માટે તૈયાર હતો. મને લાગ્યું કે હું કામ કરી શકતો નથી. પરંતુ મારી માતાએ મને કામ કરવાનું કહ્યું અને તેની હિંમતથી મને આગળ વધવાની પ્રેરણા મળી.
કાર્તિકે તેની માતાની દ્રઢતા અને શક્તિ માટે ઊંડો આભાર વ્યક્ત કર્યો. તેણે કહ્યું કે તેની માતા હવે સ્વસ્થ છે અને તે મુશ્કેલ સમયમાંથી બહાર આવી છે. કાર્તિકે કહ્યું જો મારી પાસે ક્યારેય હાર ન માની લેવાની માનસિકતા ન હોત તો કદાચ મેં હાર માની લીધી હોત.
