સોનાક્ષી સિંહાએ મંગાવ્યા 18 હજાર રૂપિયાના હેડફોન, અંદરથી જે નીકળ્યું તે જોઈ હેરાન રહી જશો
તેઓએ એમેઝોન ને ટ્વિટ કરતા કહ્યું હતું કે જુઓ મને બોસના હેડફોનની જગ્યાએ શું મળ્યું છે? પ્રોપર પેક થયેલું અને બોક્ષ ખુલ્લું પણ ન હતું, અને તે કાયદેસર લાગી રહ્યું હતું પરંતુ માત્ર બહારની સાઇટથી. આ સિવાય હદ તો ત્યારે થઇ કે એમેઝોનના કસ્ટમરકેર સર્વિસ તરફથી કોઈ મદદ મળી નહીં. આ ટ્વીટમાં તેને એમેઝોન ને પણ ટેગ કર્યું હતું.
થોડા સમય પછી સોનાક્ષીએ બીજી ટ્વિટ કરી હતી કે કોઈને 18 હજાર રૂપિયામાં ચમકીલો ભંગારનો ટૂકડો જોતો હોય તો હું વેચી રહી છું, ચિંતા ના કરો. અને આ ટુકડો હું વેચી રહી છું એટલે તમે જે ઓર્ડર કરશો તે જ મળશે, એમેઝોન નથી વેચી રહ્યું. આની આ ટ્વીટને નિહાળીને કદાચ એમેઝોન તરફથી જવાબ આવ્યો હતો તેમાં તેઓએ સોનાક્ષીની માફી માંગતા કહ્યું હતું કે આ ભૂલ કોઈ દિવસ થવી જોઈએ નહીં.
પરંતુ આ ટ્વિટ પછી લોકોને મજાક કરવાનો જાણે મોકો બની ગયો હતો, આથી લોકોએ ટ્વિટ કરવાનું શરૂ કર્યું હતું કે એમેઝોન ની સારી બાબત એ છે કે તમે બોલિવૂડના કલાકાર હોય કે સામાન્ય માણસ તમારી સાથે કોઇપણ જાતનો ભેદ-ભાવ થશે નહીં. બધા સાથે એક સરખો વ્યવહાર કરવામાં આવશે.
તો કેટલાય લોકોએ જણાવ્યું હતું કે જે સામાન્ય માણસ ઘણા સમયથી ભોગવી રહ્યો છે તે આજે એક કલાકારે પણ ભોગવવાનો વારો આવી ગયો.
