કૌશિકભાઇ એક નિવૃત્ત જજ હતા, તેઓને આજે કોઈ કારણોસર બહારગામ જવાનું થયું હતું એટલે રેલવે ના માધ્યમથી તેઓ બહારગામ જઈ રહ્યા હતા.
તેઓ ટ્રેનમાં અંદર પ્રવેશીને પોતાની સીટ ને શોધીને તેમાં બેસે છે, હજુ કૌશિકભાઇ બેસ્યા હતા એવામાં જ તરત જ સામે બેઠેલી એક સુંદર અને સુશીલ જણાતી છોકરી પ્રેમથી કૌશિક ભાઈ ની સામે જોઈને હસીને અભિવાદન કર્યું, “નમસ્કાર, જજ અંકલ.”
તે છોકરીની ઉંમર લગભગ 20 થી 25 વર્ષની વચ્ચે હશે. કૌશિક ભાઈ ને અભિવાદન સાંભળીને આશ્ચર્ય થયું કે આ છોકરી કોણ છે અને તે કેવી રીતે જાણે છે કે હું જજ છું? અને સાથે સાથે અંકલ કહીને પણ બોલાવે છે એટલે તે જરૂર કોઈ મારા ભૂતપૂર્વ સાથી કર્મચારી ની દીકરી હશે અથવા તેઓના કોઈ નજીકના સંબંધીની પુત્રી હશે.
કૌશિકભાઇ બેઠા બેઠા આ બધું વિચારી રહ્યા હતા, એટલે પેલી છોકરી કૌશિકભાઇ નું થોડું જોખમ ભર્યું મોઢું જોઈ અને હસીને કહ્યું, “જજ અંકલ, તમે મને નહી ઓળખો.” હું જ્યારે તમારા કોર્ટમાં આવી હતી ત્યારે મારી ઉંમર લગભગ દસ વર્ષની જ હતી. તે સમયે તમે માધુપુર ની ડિસ્ટ્રિક્ટ ફેમિલી કોર્ટમાં જજ હતા.
પેલી છોકરીની આ વાત સાંભળીને જજ સાહેબે તેને કહ્યું કે અરે આ તો ખૂબ જ જૂની વાત છે અને હાલ તો મને નિવૃત્ત થયાને પણ ત્રણ વર્ષ થઇ ગયા છે. આટલી જૂની વાતો તો ક્યાં કોઈને યાદ રહી શકે? અને આમ પણ દિવસ દરમિયાન સેંકડો લોકો તે કોર્ટ ની મુલાકાત લેતા.
સહજ વાત છે કે વર્ષો પહેલાની આ વાતને યાદ રાખવા માટે કોઈપણ કેવી રીતે સક્ષમ હોઈ શકે? તેમ છતાં કૌશિકભાઈ હજુ પણ પેલી છોકરી ને યાદ કરવાની કોશિશ કરી રહ્યા હતા એટલે ફરી પાછું તેનું મૂંઝવણ ભર્યું મોઢું જોઈને છોકરીએ તેને કહ્યું. અંકલ, મારું નામ અંકિતા છે. એ સમયે મારા માતા-પિતાના છુટાછેડાનો કેસ તમારી કોર્ટમાં ચાલી રહ્યો હતો અને તે કેસની કાર્યવાહી દરમિયાન તમે મને એક દિવસ પૂછ્યું હતું કે બેટા, તું કોની સાથે રહેવા માંગે છે?
છોકરીએ આટલું કહીને જજ સાહેબને જૂની વાત યાદ કરાવવાની કોશિશ કરી. હજુ તો છોકરી આગળ કંઈપણ બોલે તે પહેલા કૌશિકભાઇ એ કહ્યું અરે બેટા અંકિતા. તું!
કૌશિકભાઈ એ છોકરી અને તેના માતા-પિતાના કેસને કઈ રીતે ભૂલી શકે? ઘણી વખત કૌશિકભાઈ તેની કોર્ટમાં આવનારા કે અને ઝગડાઓ ની બાબતને લઈને કંટાળી જતા હતા.
પરંતુ તેની કોર્ટમાં જજ સાહેબ ની ફરજ દરમિયાન એક કેસ એવો પણ સામે આવ્યો હતો. જેના પરિણામ થી જજ સાહેબ સહિત બધા લોકો ખુશ થઈ ગયા હતા. કારણ કે આ કેસ નો અંત હતો જ એવો આશ્ચર્યજનક અને આનંદપ્રદ.
કૌશિકભાઇ તેની જૂની યાદોને વાગોળતા કહે છે અરે બેટા અંકિતા, માત્ર હું જ નહિ પરંતુ એ કેસને સંબંધિત જેટલા લોકો હતા તેમાંથી કોઈ પણ તને કઈ રીતે ભૂલી શકે?
કૌશિકભાઇ એ ફરી પાછું છોકરીને પૂછ્યું, બેટા તું કેમ છો? તારા માતા-પિતા કેમ છે? મનમાં ને મનમાં કૌશિક ભાઈ આ છોકરી ને મળીને હરખાઈ રહ્યા હતા, અને ખાસ કરીને છોકરી ને ખુશ જોઈને તેઓને ખૂબ જ ખુશી મળી હતી.
અંકિતા એ જવાબ આપ્યો, અંકલ હું ખૂબ જ ખુશ છું. તમારા કારણે જો હું ખૂબ જ ખુશ છું, અને મારા મમ્મી પપ્પા તો એકબીજા વિના જીવી શકતા નથી, આ જ વર્ષે મારી સિવિલ સર્વિસમાં પસંદગી થઇ છે અને હું તાલીમ લેવા માટે જઈ રહી છું.
અંકિતા એ પોતાની વાતને આગળ વધારતાં કહ્યું અંકલ જો તમે તે દિવસે વ્યક્તિગત રુચિ ન લીધી હોત તો હું કદાચ સિંગલ પેરેન્ટ નું સંતાન હોત. આટલું બોલતા બોલતા અંકિતા ભાવુક થઈ ગઈ.
કૌશિકભાઇ એ તેને કહ્યું ના બેટા જો તું દિવસે તે સમજદાર બાળકની જેમ કોર્ટમાં ન બોલી હોત, તો તારા માતા-પિતા જીવનના સત્યને સમજી જ ન શક્યા હોત. અને એ બંને પોતાના વ્યક્તિગત અભિમાનને કારણે જિંદગીભરનું નુકસાન કરી લીધું હોત.
કૌશિકભાઇ એ પ્રેમથી તેને કહ્યું બેટા તું ખરેખર ખૂબ જ સમજદાર છોકરી છો.
કૌશિક ભાઈ ના આંખની સામે જાણે એ સમયનું ચલચિત્ર ચાલી રહ્યું હોય એ રીતે તેઓને બધું યાદ આવી રહ્યું હતું. એ સમયે તેઓ માધુપુર ની ફેમિલી કોર્ટમાં ન્યાયાધીશ હતા અને એ દિવસે અંકિતાના માતા-પિતાનો છુટાછેડાનો કેસ આવ્યો હતો.
અંકિતાના માતા-પિતાને કૌશિકભાઇ એ તેની પુત્રી સાથે કોર્ટમાં હાજર રહેવા જણાવ્યું હતું. કોર્ટમાં હાજર થયા પછી શરૂઆતથી જ બંને લોકો ભારપૂર્વક છૂટાછેડાની માંગ કરી રહ્યા હતા. પરંતુ આ એક એવો આજીવનનો નિર્ણય હતો જેમાં ઘણી જિંદગીઓ સાથે જોડાયેલી હતી. એટલા માટે કૌશિકભાઇ એ તેઓને એક મહિના માટે વિચારવાનો સમય આપ્યો હતો. પરંતુ તે બંને છૂટાછેડાની વાત પર અડગ રહ્યા હતા. હવે સવાલ એ હતો કે બંને ની દીકરી કોની સાથે રહેશે?
કૌશિકભાઈ હંમેશા આ પ્રશ્ન બાળક પર છોડતા, અંકિતા એ સમયે માત્ર દસ વર્ષની જ છોકરી હતી. દેખાવે એકદમ સુંદર અને ખૂબ જ નિર્દોષ. તેનો ચહેરો જાણે આખી કોર્ટમાં કહી રહ્યો હતો કે કોર્ટમાં આવતા પહેલા તે ખૂબ રડી હશે.
જ્યારે અંકિતાને સાક્ષી બોક્સ પર બોલાવી ત્યારે કૌશિકભાઇ એ હંમેશાની જેમ અંકિતા ને પણ પૂછ્યું કે બેટા તું કોની સાથે રહેવા માંગે છે?
સામાન્ય રીતે કોઈપણ બાળકને આ સવાલ કરવામાં આવે ત્યારે તે તેની નજીકની વ્યક્તિ સાથે રહેવાનું પસંદ કરે છે. કારણ કે બાળકને શું થઈ રહ્યું છે તે મોટાભાગે ખબર હોતી નથી.
પરંતુ આ કેસમાં એવું ન થયું, થોડા સમય પછી અંકિતાએ બોલવાનું શરૂ કર્યું “મારો જન્મ આ ઘરે થયો શું તે મારો નિર્ણય હતો? જો આ નિર્ણય મારા હાથમાં હોત તો ભાગ્યે જ મારો જન્મ આ લોકોના ઘરે થયો હોત. આ લોકો મારા જન્મ માટે સાથે રહી શકે છે, પરંતુ ઉછેર વખતે આ લોકો ક્યાં અધિકાર સાથે અલગ થઈ શકે છે? જ્યારે મારા જન્મ નો નિર્ણય જ મારો ન હતો તો પછી ઉછેરનો નિર્ણય હું કેવી રીતે કરી શકું? જજ અંકલ, તમે જે પણ કંઈ નિર્ણય લેશો તેની સાથે હું સંમત છું.
આટલું બોલ્યા પછી વધારે અંકિતા કશું ન બોલી શકે.
એક દસ વર્ષની દીકરીના મુખેથી આવી ગંભીર વાત સાંભળીને આખી અદાલતમાં મૌન છવાઈ ગયું. કૌશિકભાઇ પણ પોતાના જીવનમાં પહેલીવાર અદાલતમાં આટલી શાંતી મહેસૂસ કરી રહ્યા હતા.
અચાનક જ એક અવાજ આવે છે અને અદાલતની શાંતિ ભંગ થઈ જાય છે, એ અવાજ કોઈ ના જોરજોરથી રડવા નો હતો. અંકિતાના માતા-પિતા બંને જોર જોરથી રડી રહ્યા હતા.
રડતા રડતા અંકિતા ની માતા બોલી મારે છુટાછેડા નથી જોઈતા સાહેબ. મારા પતિ ભલે દારૂ પીવે કે ભલે મને મારે પરંતુ હું તેની સાથે જ રહેવા જઈશ. મારી દીકરી નું જીવન મારા જીવન કે મારી લાગણી કરતાં પણ વધુ મહત્વપૂર્ણ છે. મારી દીકરીને અત્યારે તેના માતા અને પિતા બંને ની મદદની જરૂર છે. જે માતા છુટાછેડા લેવાનું વલણ ધરાવી રહી હતી તેને ભરી અદાલતમાં આવા શબ્દો કહ્યા એટલે બધા લોકો આશ્ચર્યચકિત થઈ ગયા.
અંકિતા ના પિતા જગ્યા પરથી ઊભા થઈને પોતાની પત્ની પાસે જાય છે બંને હાથ જોડીને તેની માફી માંગતા કહે છે મને માફ કરી દે સુધા, હું આપણી દીકરી ના સોગંદ ખાઈને કહું છું હવે હું ક્યારેય દારૂ નહીં પીવું. ક્રૂર દેખાતી વ્યક્તિ આજે જાણે દયાના પાત્ર જેવી લાગી રહી હતી.
અંકિતાના માતા-પિતા બંને એ હાથ જોડીને કૌશિક ભાઈ ને કહ્યું, જજ સાહેબ, અમે બંને અમારી છૂટાછેડાની અરજી પાછી ખેંચીએ છીએ.
કૌશિકભાઈ એ સામે જવાબ આપ્યો ખુબ જ સરસ, દીકરીનું સુખી ભવિષ્ય આમાં જ રહેલું છે. અદાલતને આશા છે કે તમે બંને લોકો હંમેશા સાથે રહેશો અને પરસ્પર એકબીજા સાથે સારો વ્યવહાર કરશો.
કેસની સમાપ્તિ થયા પછી કૌશિક ભાઈ એ ખુબ જ ઉત્સાહિત થઈને સમાપ્તિ ઉપર સ્ટેમ્પ માર્યો. આજે મનોમન કૌશિકભાઇ હરખાઈ રહ્યા હતા કારણ કે તેઓ ની જિંદગી માં આનાથી વધારે રસપ્રદ કે આજ સુધી તેઓએ જોયો નહોતો.
આજે કૌશિક ભાઈ ની કોર્ટ ખરેખર ફેમિલી કોર્ટ જેવી દેખાઈ રહી હતી જ્યાં એક પરિવારનું મિલન થયું હતું.
જો તમને આ સ્ટોરી પસંદ પડી હોય તો દરેક લોકો જોડે શેર કરજો. અને તમને આ સ્ટોરી કેવી લાગે તે કમેન્ટમાં જણાવજો.
first appeared on justgujjuthings.com
