😱 દીકરાએ પિતાને ઘરમાંથી કાઢ્યા, પણ પછી જે કર્યું એ જાણીને આઘાત લાગશે!

રોહિત વિચારતો રહ્યો કે અચાનક પિતાજી આમ સામાન પેક કરીને કેમ જવા લાગ્યા? નક્કી રિયાએ કંઈક કહ્યું હશે અથવા તેમણે કંઈક સાંભળી લીધું હશે. તેણે તરત જ પિતાજીને કહ્યું, “ઠીક છે પિતાજી, તમે જતા રહેજો તમારા ઘરે, પરંતુ આજે નહીં, આવતીકાલે હું તમને મૂકી જઈશ.” રોહિત ત્યારે બીજું કશું બોલ્યો નહીં, પણ તેના મનમાં એક યોજના આકાર લઈ રહી હતી.

બીજા દિવસે સવારે તેણે તેની પત્ની, રિયાને, વાત કરી કે “આજે પિતાજી જઈ રહ્યા છે.” અચાનક જ તેના ચહેરા પર એક ખુશી દેખાઈ. પરંતુ રોહિતે તરત જ ઉમેર્યું, “પરંતુ મેં સાથે સાથે એક નિર્ણય કર્યો છે કે પિતાજી આટલા મોટા ઘરમાં એકલા કેવી રીતે રહેશે? એટલે બાજુમાં જ એક જમીન પડી છે, ત્યાં એક નાનકડું પ્લે હાઉસ અને સાથે સાથે ત્યાં એક નાનકડી શાળા પણ બનાવવાનું વિચારી રહ્યો છું.” રિયાના ચહેરા પરની ખુશી ગાયબ થઈ ગઈ. “પિતાજી એ શાળાના ટ્રસ્ટી હશે, સાથે સાથે પિતાજીના મિત્રો પણ ટ્રસ્ટ બનાવશે જેથી કરીને પિતાજી ન હોય તો પણ શાળા ચાલુ રહે. આ શાળામાં ગરીબ બાળકો માટે શિક્ષણ મળી રહેશે.”

આટલું તેની પત્નીને કહીને રોહિત તેના પિતાજી પાસે ગયો. કમલભાઈ હજુ પોતાના જવાની તૈયારી જ કરી રહ્યા હતા. રોહિતે તેમને કહ્યું, “પિતાજી, તમારી જે જમીન પડી છે, કે જેના લગભગ અત્યારે બજાર મૂલ્ય પ્રમાણે પાંચ કરોડ જેટલા રૂપિયા ગણી શકાય, એ જમીનને ટ્રસ્ટમાં ફાળો તરીકે જમા કરી દેજો. એમાંથી ઊભી થનારી આવકમાંથી ગરીબ બાળકોની ફીસમાં મદદ મળી રહેશે. અને રહી વાત તમારા રહેવાની, તો તમારું પેન્શન તમારી માટે પૂરતું છે. અને હું આજે જ ઓફિસ જઈને આ યોજના ઉપર કામ કરું છું.” કમલભાઈ તો તેના દીકરાની સામે આશ્ચર્યચકિત થઈને જોઈ રહ્યા હતા. તેમના મનમાં ગર્વ અને આશ્ચર્ય એકસાથે ઉમટી રહ્યા હતા.

રોહિત પિતાજીને જમીનની વાત કરી રહ્યો હતો તે વાત રિયા પણ ઊભી ઊભી સાંભળી રહી હતી, અને તેઓના પિતાજી પાસે આટલી મોટી જમીન છે તેવી તેને ખબર જ હતી નહીં. જાણે કોઈ મોટું નુકસાન થઈ ગયું હોય એ રીતે તેણે તેના પતિને કહ્યું, “શું તમે પણ મજાક કરી રહ્યા છો?” તેના પતિએ તરત જ તેને જવાબ આપી દીધો, “હું જરા પણ મજાક નથી કરતો. હું તો માત્ર મારા પિતાજીની જિંદગી વ્યવસ્થિત કરી રહ્યો છું, જેથી કરીને કોઈ મારા પિતાજીના જવાની રાહ ન જુએ.”

તેનો અવાજ દૃઢ અને સ્પષ્ટ હતો. “મારો ધંધો આજે જે પણ કંઈ છે તે માત્ર પિતાજીના કારણે જ છે, કારણ કે પિતાજીએ જો મને પૈસા ન આપ્યા હોત તો હું આ ધંધો શરૂ જ ન કરી શક્યો હોત.” આ સાંભળીને તેની પત્નીએ મોં બગાડીને કહ્યું, “એમાં શું નવી વાત છે? એ તો એમની ફરજ હતી.”

રોહિતે પણ સામે જવાબ આપતા કહ્યું, “ફરજની વાત તું તો ના જ કરે, રિયા. પિતાજીની તબિયત સારી ન હોય ત્યારે તેમની સેવા કરવાની ફરજ તારી જ આવે છે. અને જ્યાં સુધી તારા માતા-પિતાનો સવાલ છે, તો મેં કોઈ દિવસ તને ત્યાં તારી ફરજ પૂરી કરતા રોકી નથી. તને પિતાજી અને મમ્મી ભેગું રહેવું નહોતું એટલે આપણે અલગ રહેવા માટે આવ્યા હતા, પરંતુ આજે જ્યારે હું મારા પિતાનું ઋણ ચૂકવવામાં થોડું ઉમેરી રહ્યો છું તો મને એ નિભાવવાથી કોઈ રોકી ન શકે.” આજે તેના દીકરાના અવાજમાં આટલી બધી દૃઢતા જોઈને કમલભાઈ અવાચક થઈ ગયા. તેમને અનુભવાયું કે તેમનો પુત્ર ખરેખર કેટલો સમજદાર અને સંવેદનશીલ છે.

રિયા પણ ત્યાં જ ઊભી હતી, પરંતુ તેના મોઢામાં બોલવા માટે શબ્દો જ બાકી ન હતા. તેણે ક્યારેય રોહિતને આટલો ગંભીર અને નિર્ણાયક જોયો નહોતો. તે સમજી ગઈ હતી કે પૈસા કરતાં સંબંધોનું મૂલ્ય વધારે હોય છે, અને રોહિત તેના પિતા પ્રત્યેના ઋણને ક્યારેય ભૂલી શકે તેમ નહોતો. આ ક્ષણે, સંબંધોની સાચી કિંમત તેને સમજાઈ હતી.

જો તમને આ સ્ટોરી પસંદ પડી હોય તો દરેક લોકો સાથે શેર કરજો તેમજ આ સ્ટોરીને કમેન્ટમાં 1 થી 10 ની વચ્ચે રેટિંગ પણ આપજો.