જલદી વજન ઘટાડવું છે? તો દરરોજ કરો આ ડાન્સ

આપણામાંથી ઘણી મહિલાઓને કસરત કરવી એ બોરિંગ લાગે છે આથી તેઓ કસરત કરતા હોતા નથી. પરંતુ માત્ર કસરત જ વજન ઘટાડવા માટે ઉપાય છે એવું નથી, અમુક કસરત ની જગ્યા પર એવી પણ વસ્તુઓ કરી શકાય છે જેનાથી શરીરને સારી રીતના બેલેન્સ કરીને વજન ઘટાડી શકે. એવી જ રીતના આજે આપણે એક ડાન્સ વિશે વાત કરવાના છીએ જેનાથી જો સરખી રીતના અને વ્યવસ્થિત રીતે કરવામાં આવે તો તેનાથી ઝડપથી વજન ઘટી શકે છે, અને સાથે સાથે આપણે ફ્રેશ ફીલ કરીએ છીએ.

જો વ્યવસ્થિત રીતે આ ડાન્સ એટલે કે જુમ્બા ડાન્સ કરવામાં આવે તો તેનાથી એક કલાકમાં 400 થી લઈને ૬૦૦ કેલરી સુધી બાળી શકાય છે. એટલે કે આ બીજી બધી કસરત કરતાં પણ વધુ ઇફેક્ટિવ સાબિત થઈ શકે છે.

ચાલો જાણીએ તેના ફાયદાઓ વિશે

સૌપ્રથમ તો આ ડાન્સ એવો ફિટનેસ-પ્રોગ્રામ છે જેનાથી શરીરની દરેક મૂવમેન્ટ થાય છે અને દરેક અંગ પર જોર પડે છે. આથી જો દરરોજ નિયમિત પણે કરવામાં આવે તો થોડા સમયમાં જ આપણે જોઈએ તેવું મનપસંદ શરીર મળી શકે છે. ઘણી વખત એવું થતું હોય છે કે શરીરનું વજન એક જગ્યા પર જ ઘટતું હોય છે, પરંતુ આનાથી એવું થતું નથી તે તમારા સાથળ, કમર વગેરે બધી જગ્યાએથી વજન ઓછું કરે છે.

આ ડાન્સ ને કરવાથી તમે એટલા બધા થાકી જાઓ છો કે તમારા શરીરમાંથી એક્સ્ટ્રા ચરબી બળે છે. જો દરરોજ એક ક્લાસ કરવામાં આવે તો લગભગ ૪૦૦ થી લઈને 700 સુધી કેલરી બાળી શકાય છે.

આ ડાન્સ કરવા માટે તમારે કૂદવું પડે છે. તેમજ ઊંડો શ્વાસ પણ લેવો પડે છે. જેનાથી તમારા ફેફસાને વધુ ઝડપથી ચાલવું પડે છે, અને આ કસરતથી તમારા ફેફ્સા પણ મજબૂત થાય. કારણકે આ એક પ્રકારની બ્રિધિંગ એક્સરસાઇઝ પણ થઈ ગઈ.