મામુલી ઈલેક્ટ્રીશીયન ના છોકરા ને મળી 70 લાખ ની નોકરી ની ઓફર

સફળતા અને નિષ્ફળતા એ બંને એક એવી વસ્તુ છે કે જે આપણા હાથમાં નથી પરંતુ તેના માટે મહેનત કરવું તે આપણા હાથમાં છે. ઘણા લોકો નિષ્ફળતા મળતી હોવાથી પ્રયત્નો કરવાના છોડી દે છે તો ઘણા લોકો સફળતા ન મળે ત્યાં સુધી પ્રયત્નો કરવાનું મૂકતા નથી. અને આમ જોવા જઈએ તો આવા જ લોકોને હકીકતમાં સફળતા મળે છે.

આજે આપણે વાત કરવાના છીએ એક વિદ્યાર્થી વિશે જેણે ડિપ્લોમા મિકેનિકલ એન્જિનિયરિંગમાં અભ્યાસ પૂર્ણ કર્યો પણ નથી અને તેને અમેરિકા માંથી 70 લાખ રૂપિયાની નોકરીની ઓફર પણ આવી ગઈ.

મામૂલી ઇલેક્ટ્રિશિયન નો છોકરો કે જે જામ્યા યુનિવર્સિટિ માં ભણે છે. સાત સંતાનોમાં તેનો બીજો નંબર છે. તેને યુનિવર્સિટીમાં B.Tech કોર્સમાં એડમિશન ન મળતાં 2015માં ડિપ્લોમા કરવાનું નક્કી કરીને ડિપ્લોમામાં જોડાયો. તેને ઇલેક્ટ્રીક વાહનો નો ખુબ શોખ છે.

ટાઇમ્સ ઓફ ઇન્ડિયા સાથેની વાતચીતમાં આમિરે જણાવ્યું કે,

“ભારતમાં ઈલેક્ટ્રીક વાહનોને ચાર્જ કરવાની મોટામાં મોટી સમસ્યા છે. આથી મેં એક થિયરી ડેવલપ કરી છે. જો એમાં હું સફળ થઈશ, તો ઈલેક્ટ્રીક વાહનોને ચાર્જ કરવાનો ખર્ચ લગભગ 0 બરાબર થઈ જશે. પણ શરૂઆતમાં મારા શિક્ષકો એ મારી વાત માની ન હતી કારણકે આ એક નવું જ ક્ષેત્ર હતું. જોકે, પછી સહાયક શિક્ષક એ મારા કામની સંભાવનાને મહેસુસ કરી અને મને માર્ગદર્શન આપ્યું.”