તમે નાનપણથી અત્યાર સુધીમાં ઘણી વખત નાની મોટી ચોટ લાગી હશે. અને એમાં ઘણા વખત આપણે હળદર લગાડી દઈએ છીએ. અથવા તો હળદરનો લેપ કરીએ છીએ. આ સિવાય નાનપણમાં શરદી કફ ની તકલીફ માં પણ ઘરેલુ નુસખા તરીકે દરેકના ઘરમાં હળદરવાળા દૂધનો ઉપયોગ કરાતો હશે પરંતુ આ સિવાય પણ એવા એના ગજબ ફાયદાઓ છે જે તમને ખબર નહીં હોય એ અમે આજે જણાવવાના છીએ.
સૌપ્રથમ તો જણાવી દઈએ કે હળદરમાં અને દૂધમાં કયા તત્વો હોય છે.
હળદરમાં એન્ટિબાયોટિક ગુણધર્મ હોય છે અને દૂધમાં કેલ્શિયમ ભરપૂર પ્રમાણમાં હોય છે જ્યારે આ બન્ને નું સાથે કરીને સેવન કરવામાં આવે તો આના ગુણ અને ફાયદા ઘણા પ્રમાણમાં વધી જાય છે. અને મહત્તમ ફાયદા માટે તમે હળદરના પાવડર ની જગ્યાએ જો કાચી હળદર નો ઉપયોગ કરશો તો વધારે અને મહત્તમ ફાયદો મળશે.
જો કોઇ કારણોસર આપણા શરીરમાં લોહી સંચાર ધીમો પડી જાય તો લોહી સંચાર ને ઠીક કરવા માટે પણ હળદર નું દૂધ ઉપયોગમાં લઈ શકાય છે. ઘણી વખત નાનકડી ચોટ લાગવાથી પણ લોહીનો સંચાર ધીમો પડી શકે છે.
હળદરમાં એક ખાસ પ્રકારનું તત્વ આવેલું હોય છે જે કેન્સરના દર્દીઓના રિકવરી માટે મદદગાર સાબિત થઇ શકે છે.
ઉપર કહ્યું તેમ શરદી કફ માટે હળદર નું દૂધ ખૂબ જ ઉપયોગી સાબિત થઇ શકે છે. બદલાતા વાતાવરણ ની શરદી અને ઉધરસ મટાડવા માટે આ દૂધ ઘણું ઉપયોગી સાબિત થઇ શકે છે.
હળદર ના દુધ ઉપર કહ્યું તેમ હાડકા માટે ખૂબ ફાયદાકારક છે. કારણકે તેમાં કેલ્શિયમ અને એન્ટીબાયોટિક ગુણો સમાયેલા છે. આથી જો ફ્રેક્ચર થયું હોય તો આને પીવાની સલાહ અચૂક અપાય છે.
જો તમને હળદર નું દૂધ ગળ્યું ન હોવાથી ભાવતું ન હોય તો તેમાં થોડી માત્રામાં ખાંડ ઉમેરી શકાય છે. પરંતુ આનાથી ફાયદામાં પણ ફેર પડી શકે છે.
