“કલંક” નું ટ્રેલર રિલીઝ, મલ્ટિસ્ટારર ફિલ્મ ની આ છે સ્ટોરી, જાણો
કરણ જોહર ની મલ્ટીસ્ટારર ફિલ્મ કલંક નું ટ્રેલર ગઈકાલે રીલિઝ થઈ ચૂક્યું છે. એનો ટીઝર જ્યારે રિલીઝ થયું હતું ત્યારે પણ તેને બહોળો પ્રતિસાદ મળ્યો હતો, એવી જ રીતે ટ્રેલર રિલીઝ થતા પણ લોકોને ખુબ પસંદ આવ્યું હતું. આલિયા ભટ્ટ અને વરુણ ધવન ની કેમેસ્ટ્રી ટ્રેલરમાં જબરદસ્ત રીતે દેખાડવામાં આવી છે. જ્યારે આલિયા કહે છે કે ગુસ્સામાં લેવાયેલા મારા એક આ નિર્ણયે અમારી બધાની જીંદગી બરબાદ કરી નાખી છે. જણાવી દઈએ કે આ ફિલ્મની સ્ટોરી આઝાદી પહેલાની લવ સ્ટોરી અને સંબંધો વચ્ચે ની કહાની છે.
ટ્રેલરમાં ઘણા ડાયલોગ પણ દર્શાવવામાં આવ્યા છે જેમાં વરુણ અને આલિયાના સંબંધને લઈને સંજય દત્ત વરુણ ધવન ને વોર્નિંગ આપે છે તે પણ બતાવવામાં આવ્યું છે.
ટ્રેલર અનુસાર દેવ ના લગ્ન કોઈ પણ પરિસ્થિતિમાં આલિયા ભટ્ટ સાથે થાય છે. જ્યારે સોનાક્ષી સિંહા તેની પહેલી પત્નીનું પાત્ર નિભાવી રહી છે. આદિત્ય રોય કપૂર કે જેઓ દેવ નું પાત્ર નિભાવી રહ્યા છે તે આલિયા ભટ્ટ કહે છે કે આ સંબંધમાં ઈચ્છા થશે પરંતુ કોઈ પ્રેમ નહીં હોય. આ દરમિયાન વરુણ ધવન અને આલિયા ના સંબંધો ગાઢ બને છે અને ફિલ્મમાં પછી એક અલગ વળાંક આવે છે એવું દેખાયું છે.
