રચના ની દીકરી રુચિની સગાઈ 6 મહિના પહેલા થઈ ચૂકી હતી. લગ્ન ને હજુ સમય હતો, બંને પરિવારે ભેગા થઇ ને નક્કી કર્યું હતું કે લગ્ન એક વર્ષ પછી કરવામાં આવે, લગ્ન ને હજુ પણ છ મહિનાનો સમય હતો, પરંતુ અત્યારના સમયથી રચનાને એક ચિંતા તેના મનમાં સતાવી રહી હતી. રચના તેના સાસરે અત્યંત સુખી હતી એટલે કે તેનું સાસરું એકદમ સુખી પરિવાર હતો પરંતુ તેના પિયરમાં તેના ભાઈની આર્થિક પરિસ્થિતિ ઘણી. એટલા માટે તેને ઘણી વખત ચિંતા થતી કે તેનો ભાઈ મામેરા નો વ્યવહાર કઈ રીતે કરશે.
તેના ભાઈની આર્થિક પરિસ્થિતિ વર્ષોથી ખરાબ હતી અને તે માત્ર પોતાનું ગુજરાન પણ માંડ માંડ ચલાવતો. એટલા માટે રચના અને તેના ભાઈ વિશે ખૂબ જ ચિંતા થતી કે એ ગરીબ કઈ રીતે મામેરુ કરશે? અને જો બિચારો મામેરુ માંડ માંડ પૂરું પણ કરશે તેનો પૈસો પણ ખર્ચ થશે પરંતુ લોકો તો તેના આપેલા કપડાં મજાક જ ઉડાવશે.
આ ચિંતા રચનાને અંદરથી ખૂબ સતાવી રહી હતી પરંતુ રચના તેનું કંઈ કરી નહોતી શકતી, ઘણી વખત તેને વિચાર આવતો કે તે તેના પતિને વાત કરે પરંતુ પતિનો સ્વભાવ ગુસ્સાવાળો હોવાથી વાતવાતમાં તેઓ ગુસ્સે થઈ જતા અને એટલા માટે જ તેના પતિને પણ તેને કોઈ વાત નહોતી કરી.
લગ્નની તૈયારીઓ પણ ચાલુ હતી જેમ જેમ નજીક આવતા હતા તેમ લગ્નની તૈયારીઓ પુરજોશમાં થવા લાગી, બધી નવી વસ્તુઓ લેવા કે જોવા રચના તેની દીકરી અને આખો પરિવાર જાય ત્યારે ફરી રચનાના મનમાં મામેરા નો વિચાર આવી જતો અને તે ઉદાસ થઈ જતી. અને ભગવાનને પ્રાર્થના કરવા લાગતી કે મારા દીકરી ના લગ્ન એકદમ વ્યવસ્થિત પૂર્ણ થઈ જાય અને કોઈ વિઘ્ન ન આવે.
બીજી બાજુ તેના ભાઈને પણ તેની એકની એક ભાણેજ માટે મામેરુ કરવાનો અત્યંત ઉત્સાહ હતો પરંતુ કહેવાય છે કે ગમે તેટલો ઉત્સાહ હોય પણ વ્યવસ્થા ન હોય તો કોઈ પણ માણસ મજબૂરીમાં તેની પાસે જેટલી સગવડતા હોય એટલું જ વ્યવસ્થા કરી શકે છે. ભલે તે અત્યંત ગરીબ હતો તેનો મહિનાનો ખર્ચો પણ માંડ માંડ નીકળી શકતો પરંતુ કોઈપણ દિવસ ઉછીના પૈસા લઈને તેને એક પણ કામ નહોતું કર્યું. એટલે આ વખતે પણ નક્કી કર્યું હતું કે મારાથી જેટલું થાય તેટલું મામેરુ કરીશ, પણ કોઈ પાસેથી પૈસા નહી માંગુ.
તેના મનમાં અત્યંત ઉત્સાહ હતો કે બધા લોકો જોતા રહી જાય એવું મામેરું કરવું છે પરંતુ સાથે સાથે તે એ હકિકત થી પણ પરિચિત હતો કે એવું કરવું હોય તો ઘણા બધા પૈસા ની જરૂર પડે જે તેની પાસે બિલકુલ નહોતા. તે મનમાં વિચારતો કે તેનું મજૂરીકામ વધારી દેશે અથવા દિવસ રાત મહેનત કરીને પણ વધુ કામ કરીને બને તેટલા વધારે પૈસા કમાશે જેથી ભાણેજ નું મામેરૂ સારું કરી શકે.
આ બધી વાત ઘરમાં માત્ર રચના જ નહીં પરંતુ તેના પતિ પણ જાણતા હતા કે રચના ના ભાઈ ની આર્થિક પરિસ્થિતિ ખરાબ છે, અને તેનો નિયમ છે કે તે કોઈ પાસેથી પૈસા પણ ઉછીના ક્યારેય નહીં લે. અને રચના પણ તેને કોઈ વાત નહીં કરે. પરંતુ અચાનક તેને મનમાં એક વિચાર આવ્યો કોઈને કહ્યું નહીં, અને ફરી પાછા બધા લગ્નની તૈયારીમાં પડી ગયા.
જેમ જેમ લગ્નના દિવસો નજીક આવે તેમ રચના વધુને વધુ ચિંતા કરતી રહેતી કે શું થશે, સાથે ભગવાનને પ્રાર્થના પણ કરતી કે બધું સારી રીતે સંપૂર્ણ પાર થઈ જાય. અંતે એ દિવસ આવી ગયો જ્યારે લગ્નના પ્રસંગો શરૂ થવા લાગ્યા. પ્રસંગમાં બધા લોકો ધામધૂમથી પ્રસંગ ને માણી રહ્યા હતા પરંતુ હજી પણ રચનાના ચહેરા ઉપર ચિંતા દેખાઈ રહી હતી.
વારંવાર રચનાનું ધ્યાન તેના ભાઈ ભાભી ના ચહેરા પાસે જતું રહેતું હતું. તેના ભાઈ ભાભી બંને એ સાદા કપડા પહેર્યા હતા. અચાનક ભાઈ તેની જગ્યાએથી ઊભો થયો અને બધા લોકો તેની સામે જોવા લાગ્યા, તેને સૌથી પહેલા રચનાના સાસુને સાડી આપી અને સસરાને સફારી સૂટ નું કાપડ આપ્યું. સાસુ ની સાડી જોતાં જ ખબર પડી જાય કે આ કોઈ સામાન્ય સાડી નથી. સાડી જોઈને સાસુમા અત્યંત ખુશ થઈ ગયા.
ત્યાર પછી રચનાના ભાઈએ રચનાના જેઠ અને જેઠાણી ને કપડાં આપ્યા, રચનાની જેઠાણી પણ તેને આપેલા કપડા જોતી રહી કારણકે આ કોઈ કપડાં સામાન્ય ન હતા. ત્યાર પછી રચનાને તેના પતિને અને બાળકો માટે બધા માટે તેને મનપસંદ કપડાં આપ્યા, તેમજ તેની ભાણેજ માટે સોનાની બુટ્ટી પણ આપી. આ બધું રચના જોતી રહી તેને વિશ્વાસ જ ન થયો કે આ બધો વ્યવહાર તેના ભાઈ એ કઈ રીતે કર્યો?
બધા વચ્ચે તે રડતી રડતી તેના ભાઈને ભેટી પડી અને તેનાથી રહેવાયું નહી અને પૂછ્યું કે અરે ભાઈ, તમે આ બધું કેવી રીતે કર્યું? તેના ભાઈએ રચના ને કહ્યું દીદી અત્યારે પ્રસંગ માણી લો, પછી નિરાંતે વાત કરીશ. બધુ બનેવીએ કર્યું છે હું તો માત્ર એક માધ્યમ છું.
પ્રસંગ પત્યા પછી ભાઈ બહેન એકલા બેઠા હતા ત્યારે રચનાએ ફરી પાછું પૂછ્યું કે ભાઈ આ બધું કેવી રીતે કર્યું? ત્યારે તેના ભાઈઓ જવાબ આપ્યો કે મને ઘણા લોકો મોટા કામ માટે પુછવા આવતા હોય પરંતુ નાનુ મજુરી કામ કરી રહેલો હોય તે માણસનો કોઈ ભરોસો ન કરે અને મોટું કામ પણ ન આપે પરંતુ જીજાજીએ જવાબદારી લઈને તેના મીત્ર દ્વારા મને ખૂબ મોટું કામ અપાવ્યું અને એમાંથી મને સારો એવો નફો પણ થયો.
પરંતુ ખરેખર સાચું કહું તો હું દર રોજ ભગવાનને પ્રાર્થના કરતો હતો, મને મારી હકીકત ની ખબર હોવા છતાં ભગવાન ઉપર ભરોસો હતો કે એ કંઈક એવું કરશે જેથી મને મારી એકની એક ભાણેજના મામેરુ કરવામાં વાંધો ન આવે. રચના એ પણ કહ્યું કે કેવા બધા લોકો તેના ભાઈ ના વખાણ કરી રહ્યા હતા.
પ્રસંગ પતી ગયા પછી પતિ પાસે જઈને કહ્યું તમે મને જરા પણ વાત ન કરી કે તમે આવું કરવાના છો? વાત તો કરાય ને, ત્યારે પતિએ કંઈ જવાબ ન આપ્યો થોડા સમય પછી પત્ની ફરી પાછું બોલી અરે ઓ માધવજી, એક જ તો દિલ છે તમે કેટલી વખત જીતશો? રચના એના પતિ માધવ ને પ્રેમથી માધવજી કહેતી હતી. પતિ પત્ની બંને હસવા લાગ્યા. રચના ની પ્રાર્થના પણ જાણે ભગવાને સાંભળી લીધી હોય તેમ તેની દીકરીનો પ્રસંગ એકદમ સુખદ રીતે પાર પડી ગયો.
જો આ સ્ટોરી તમને પસંદ પડી હોય તો દરેક લોકો જોડે શેર કરજો તેમજ આ સ્ટોરીને કમેન્ટમાં ૧ થી ૧૦ ની વચ્ચે રેટિંગ પણ આપજો.
first appeared on justgujjuthings.com
