એક ખૂબ જ પૈસાદાર કુટુંબ હતું. તેમાં કુટુંબના વડીલ બીમાર પડ્યા. આથી તેને પોતાના દીકરાને પોતાની પાસે બોલાવીને કહ્યું કે દીકરા મારી એક આખરી ઈચ્છા છે જ્યારે હું મરી જાઉં ત્યારે મારી અંતિમ યાત્રા કાઢવામાં આવે ત્યારે મને આ ફાટેલું મોજુ(સોક્સ) પહેરાવીને રાખજે. અને આ ઇચ્છા મારી પૂરી કરજે.
અને થોડા સમયમાં પિતાજી નું મૃત્યુ થઈ ગયું.આથી દીકરાએ ઘેર આવેલા પંડિતને પોતાના પિતાની આખરી ઇચ્છા જણાવી. પંડિતજીએ કહ્યું કે આપણા ધર્મમાં અંતિમયાત્રામાં કોઈપણ ને કંઈ પણ વસ્તુ પહેરાવી શકાતી નથી. પરંતુ દીકરાએ પિતાજીની આખરી ઈચ્છા પૂરી કરવાની જાણે પ્રતિજ્ઞા જ લઈ લીધી હતી. ધીમે ધીમે કરતાં વાત આખા શહેરના પંડિતો સુધી પહોંચી ગઈ. પરંતુ કોઈ પંડિતે આ પરવાનગી આપી નહિ. અને છેલ્લે કાંઈ નિર્ણય આવ્યો નહીં.
આથી દિકરો નીરાશ થઈ ગયો. એટલા માં ત્યાં ઉભેલા બધા માણસો માંથી એક માણસ દીકરાની નજીક આવ્યો. અને દીકરાના હાથમાં તેના પિતાજી એ લખેલો એક કાગળ આપ્યો. દીકરાએ ભીની આંખે એ કાગળ વાંચવાનું શરૂ કર્યું તેમાં લખ્યું હતું કે,
“મારા વ્હાલા દિકરા, તું જોઈ રહ્યો હશે કે આપણી પાસે ખૂબ પૈસા, બંગલાઓ, ગાડીઓ બધું જ છે પરંતુ હું એક ફાટેલુ મોજુ પણ સાથે નથી લઈ જઈ શકતો. એક દિવસ તારે પણ મારી જેમ મૃત્યુનો સામનો કરવાનો આવશે, અત્યારથી જ હોશિયાર થઈ જજે, તારે પણ માત્ર એક સફેદ કપડામાં જ જવું પડશે. આથી કોશિશ કરજે કે, પૈસા માટે કોઈને દુઃખ ન આપતો, ખોટા રસ્તેથી ધન એકઠું ના કરીશ, પૈસાને ધર્મના કાર્યમાં જ વાપરજે. બધાને એ જાણવાનો અધિકાર છે કે શરીર છૂટ્યા પછી માત્ર કર્મ જ સાથે જાય છે. પરંતુ છતાં પણ માણસ પૈસા પાછળ ત્યાં સુધી ભાગતો રહે છે જ્યાં સુધી તેનું મૃત્યુ નથી થઈ જતું. બેટા અમુક વાતો ને જીંદગી ભર યાદ રાખજે જેમ કે જે લોકો તમારી સાથે દિલથી વાત કરી રહ્યાં હોય તેને કદી પણ દિમાગથી જવાબ ન આપવો. એક વર્ષમાં 50 મિત્રો બનાવવા એ સામાન્ય બાબત છે. પરંતુ ૫૦ વર્ષ સુધી એક મિત્ર સાથે મિત્રતા નિભાવવી એ ખાસ બાબત છે. એક મિનિટમાં જીંદગી નથી બદલતી. પરંતુ એક મિનીટ વિચાર્યા બાદ લખીને નિર્ણય લેવાથી આખી જિંદગી બદલાઈ જાય છે.”
આ સલાહ એક પિતાજીએ એક દીકરાને આપી છે. પરંતુ આ જ સલાહ આપણા બધાને લાગુ પડે છે અને જીવનમાં ઉતારવાની જરૂર છે. આ વાત વિશે તમારો શું અભિપ્રાય છે તે કમેન્ટમાં જણાવજો અને તમારા મિત્રો તેમજ સગા-સબંધીઓ જોડે અચૂક શેર કરજો. અને જો આ સ્ટોરી તમને પસંદ પડી હોય તો આ સ્ટોરીને કમેન્ટમાં ૧ થી ૧૦ ની વચ્ચે રેટીંગ પણ આપજો.
