પારસ અને પૂર્વી ને આજે છૂટાછેડાના કાગળ મળી ગયા હતા. બન્ને સાથે જ કોર્ટની બહાર નીકળ્યા, બન્નેના પરિવાર વાળા તેઓની સાથે જ હતા અને તેઓના મોઢા ઉપર શાંતિ અને જીત થયાના હાવભાવ દેખાઈ રહ્યા હતા. આખરે ત્રણ વર્ષ ના લાંબા ઝઘડા પછી આજે ફેસલો આવી ગયો હતો.
દસ વર્ષ થઇ ગયા હતા લગ્નને પરંતુ સાથે તો તેઓ સાત વર્ષ જ રહી શક્યા હતા કારણકે ત્રણ વર્ષ તો છૂટાછેડાની કાર્યવાહી માં થઈ ગયા.
પૂર્વી ના હાથ માં એ સામાનની લિસ્ટ હતી છે તેને પારસ ના ઘરેથી લેવાનું હતું. અને પારસ ના હાથમાં પણ એક કાગળ હતો જેમાં દાગીના ની લિસ્ટ કરેલી હતી જે પૂર્વી પાસેથી લેવાના હતા.
ફેસલો થયા પછી કોર્ટનો એ પણ આદેશ હતો કે પારસે 10 લાખ રૂપિયા ની રકમ પૂર્વીને ચૂકવવી પડશે.
પારસ અને પૂર્વી એક જ વાહનમાં બેસીને પારસ ના ઘરે પહોંચ્યા. પૂર્વીને જે સામાન મળવાનો હતો તેની ચકાસણી કરવાની હતી.
આથી તે લગભગ ત્રણ વર્ષ પછી પોતાના સાસરે જઈ રહી હતી. એ પણ છેલ્લી વખત, બસ આના પછી તેને ક્યારે પણ ત્યાં આવવાનું ન હતું.
ઘરમાં અંતે ત્રણ જણા જ બચ્યા હતા. પારસ, પૂર્વી અને પૂર્વી ના મમ્મી.
પારસ પહેલેથી જ ઘરમાં એકલો રહેતો હતો મા-બાપ અને મોટાભાઈ આજે પણ ગામડામાં જ રહેતા હતા.
પારસ અને પૂર્વી નો એકનો એક દીકરો કેજે હાલમાં છ વર્ષનો હતો તેને કોર્ટના નિર્ણય અનુસાર પૂર્વી પાસે રહેવાનું હતું. અને પારસ મહિનામાં એક વખત તેને મળી શકે છે.
જેવો પૂર્વી એ ઘરમાં પ્રવેશ કર્યો કે તરત જ પોતાની જૂની યાદ તાજી થઈ ગઈ, કેવી મહેનતથી તે ઘર પૂર્વી એ સજાવ્યું હતું. એક એક વસ્તુ માં જાણે પોતાની જાન લગાવી દીધી હતી. દરેક વસ્તુઓ તેની આંખ સામે જ બની હતી એક એક થી લઈને આખું ઘર બનતું જોયું હતું પૂર્વી એ.
આ પૂર્વી ના સપનાનું ઘર કહો તો પણ ચાલે. પહેલેથી જ તેને ઘર લેવાની ઇચ્છા હતી અને પારસ છે તેનું આ સપનું પૂરું કર્યું હતું. તે હજુ તો કર જોઈ રહી હતી ત્યાં પારસ થાકી ગયો હોવાથી સોફા માં લાંબો થઈને સૂઈ ગયો.
સુતા સુતા તે બોલ્યો લઈ લે તારે જે પણ કંઈ જોતું હોય તે, હું તને રોકીશ નહીં.
આશરે ત્રણેક વર્ષ પછી પૂર્વી એ હવે ધ્યાનથી પારસ ને જોયો કેટલો બધો બદલાઈ ગયો હતો. વાળમાં પણ ફેરફાર થઈ ગયો હતો શરીર પણ દુબળો પડી ગયું હતું. જાણે કે ત્રણ વર્ષમાં ચહેરાની રોનક ગાયબ થઈ ગઈ હોય તેઓ ચહેરો ઉદાસ અને પડી ગયેલો હતો.
તેનો મોટાભાગનો ન વપરાયેલો સામાન તે સ્ટોરરૂમમાં રાખતી હતી, આથી તે સ્ટોર રૂમ તરફ જવા આગળ વધે. ઘર ફેરવ્યા પછી બધું જૂની ફેશન હોવાથી ઘણી બધી વસ્તુ એમને એમ જ રાખી દીધી હતી.
બંનેના પ્રેમ લગ્ન થયા હતા, પહેલા તો ઘરવાળાઓ પણ વિરોધ કરી રહ્યા હતા પછી ગમે તેમ મન મનાવી લીધું હતું. અને આ પ્રેમ લગ્ન હતાં એટલે જ તો જાણે કોઈની નજર લાગી ગઈ.
બસ નાના-મોટા ઝઘડા કે જે લગભગ દરેક પતિ-પત્નીઓ માં થતા હોય છે એના કારણે એક વખત પારસ ખૂબ જ ગુસ્સે થઈ ગયો હતો, અને પૂર્વી પણ ગુસ્સામાં ને ગુસ્સામાં તેના પિયર જતી રહી હતી.
પછી તો પારસ અને પૂર્વી માત્ર કોર્ટમાં જ મળ્યા. આ બાજુ પારસના સગા વાળા તો પેલી બાજુ પૂર્વી ના સગા વાલા એ બંનેને સલાહ આપવાની ચાલુ કરી દીધી.
પછી તો ન પૂર્વી પાછી આવી કે ના પારસ પૂર્વીને પાછી લાવવા ગયો.
***
પૂર્વી ની મમ્મી એ કહ્યું ક્યાં છે તારો સામાન બધો? અહીં તો કંઈ દેખાતું નથી જો તો વેચી નથી માર્યો ને?
“ચૂપ થઈ જાઓ મમ્મી” ખબર નહીં કેમ પરંતુ પૂર્વીના મોઢામાંથી આ શબ્દો નીકળી ગયા, જ્યારે પારસ વિશે તેના મમ્મીએ આવું કહ્યું ત્યારે…
પછી સ્ટોર રૂમમાં રહેલા સામાનમાં થી લીસ્ટ મુજબ નો સામાન કાઢ્યો, તેને મેળવી લીધો અને પછી રૂમમાં પણ તે સામાન લેવા જતી રહી.
પારસના સામાન ને અટક્યા વગર તેને માત્ર પોતાનો જ સામાન જે લિસ્ટ મુજબ હતો તે લઇ લીધો અને પછી પારસ ને પોતાના દાગીના થી ભરેલું બેગ પકડાવી દીધું.
પારસ એ એ બેગ પૂર્વીને જ પાછું આપી ને કહી દીધું કે આપણ તો રાખી લે, તારે મુશ્કેલીના સમયમાં કામ આવશે. મારે આ નથી જોતા.
દાગીના ની કિંમત લાખોમાં હતી!
શું કામ? કોર્ટમાં તો તમારા વકીલ કેટલી વખત ઘરેણા ઘરેણા રાડો પાડી રહ્યા હતા.
કોર્ટની વાત કોર્ટમાં જ ખતમ થઈ ગઈ પૂર્વી. ત્યાં તો મને પણ દુનિયાનો સૌથી ખરાબ જાનવર સાબિત કરવા મા બધા લાગ્યા હતા.
આવું સાંભળીને પૂર્વીના મમ્મીએ મોઢું ફેરવી લીધું.
“નથી જોતા, મારે તે દસ લાખ રૂપિયા પણ નથી જોતા.”
કેમ? કહીને પારસ આરામ કરતો હતો ત્યાંથી ઉભો થઇ ગયો
“બસ એમ જ” આટલું કહી પૂર્વી એ પોતાનું મોઢું ફેરવી લીધું
“આટલી મોટી જિંદગી પડી છે, હજુ ઘણી મુસીબતો આવશે કઈ રીતે સામનો કરીશ? લઈ જા હશે તો કામ લાગશે.” આટલું કહીને પારસ એ પણ પોતાનું મોઢું ફેરવી લીધું અને બીજા રૂમમાં જતો રહ્યો. પણ જતી વખતે તેનું મોઢું સતત નીચે જોઈ રહ્યું હતું.
પૂર્વી ની મમ્મી સામાન લઈ જવા માટે વાહનની વ્યવસ્થા કરવામાં વ્યસ્ત હતી. એવામાં પૂર્વીને મોકો મળી ગયો તે પારસ ની પાછળ પાછળ તેના રૂમમાં ચાલી ગઈ.
પારસ નું મોટું અજીબ હતું અને તે કદાચ રડી રહ્યો હતો એવું પૂર્વી ને લાગ્યું. પૂર્વી એ ક્યારે પણ તેને રડતા જોયો ન હતો. આજે પહેલી વખત આવું જોઈને ન જાણે કેમ પણ તે થોડી ભાવુક થઈ ગઈ.
પછી વધુ ભાવુક ન થતા કડક અંદાજમાં બોલી આટલી ચિંતા હતી તો શું કામ છૂટાછેડા આપ્યા?
મેં તને છુટાછેડા નથી આપ્યા… પારસ એ જવાબ આપ્યો
“કાગળ ઉપર સહી તો તે પણ કરી હતી, માફી ન માંગી શકતા હતા.?” પૂર્વી બોલી
“મોકો ક્યારે આપ્યો તારા ઘરવાળાઓએ, જ્યારે પણ ફોન કરતો કાપી નાખતા…”
“ઘરે પણ આવી શકતા હતા ને?”
“ હિંમત નહોતી થતી”
એવામાં પૂર્વી ની મમ્મી આવી અને તેને હાથ પકડીને બહાર લઈ જતા બોલી હવે શું આના મોઢે લાગી રહી છો હવે તો સંબંધ પણ પૂરો થઈ ગયો.
બહાર જઈને સોફા પર બેસીને બંને લોકો સામાન લઈ જવા માટે વાહન ની રાહ જોઈ રહ્યા હતા.
એવામાં પૂર્વી નું ધ્યાન સામે રહેલા તુલસીના છોડ પર ગયું, સુકાઈ ગયેલો છોડ જોઈને યાદ આવી ગયું કે કેવું દરરોજ તે તે છોડને દેખભાળ કરી રહી હતી તેની સાથે જાણે તુલસી પણ ઘર છોડી ગઈ એવું લાગતું હતું.
ખબર નહીં પણ પૂર્વીના મનમાં એક અજીબ ગભરાહટ લાગતી હતી અને ફરી પાછી તે રૂમમાં ચાલી ગઈ, તેની મમ્મીએ પાછળથી બોલાવી પરંતુ તેના પર તેનું ધ્યાન ગયું નહીં. પારસ બેડ ઉપર ઊંધું માથું કરીને સુઈ રહ્યો હતો.
તે રૂમ ને જોવા લાગી આખો રૂમ અસ્તવ્યસ્ત હતો, ઘણા દિવસથી સફાઈ પણ ન થઈ હોય તેવું લાગી રહ્યું હતું.
એવામાં તેના લગ્નની ફ્રેમ દેખાઈ જેમાં પારસ ને ભેટીને તે ઊભી હતી અને ખુબ જ સરસ સ્માઈલ આપીને ફોટો પડાવ્યો હતો.
કેવા સોના ના દિવસો હતા એ હજી તો એવું મનમાં વિચારી રહી હતી કે ફરી પાછું મમ્મી તેને હાથ પકડીને બહાર લઈ ગઈ કારણ કે વાહન આવી ગયું હોવાથી નીકળવાનો સમય થઈ ગયો હતો.
સામાન ગાડીમાં મૂકી રહ્યા હતા, અંદર પારસ ને પણ ગાડી નો અવાજ સંભળાતા તે અચાનક બહાર આવ્યો અને પૂર્વીની પાસે જઈને તેની આંખમાં આંખ મિલાવીને એટલું કહી દીધું કે “ન જા, માફ કરી દે મને!”
કદાચ ત્રણ વર્ષથી પૂર્વી આ શબ્દ સાંભળવા માટે તરસી રહી હોય એવી રીતના સાંભળીને જાણે ધીરજ નો ડેમ તૂટી પડ્યો અને કોર્ટમાંથી આપેલો કાગળનો ટુકડો કાઢીને ફાડી નાખ્યો.
હજી તો તેની મમ્મી કંઈ કહેવા જાય કે તે પહેલા જ પૂર્વી પારસ ને ભેટી પડી. બંને એક બીજા સામે રડી રહ્યા હતા.
દૂરથી પૂર્વી ની મમ્મી એ આ સીન જોઈને સમજી ગઈ કે હૃદયના આદેશ સામે કોર્ટના આદેશ કાગળના ટુકડા થી વધુ કંઈ નથી, તે પણ મનોમન વિચારી રહી હતી કે કદાચ આને પહેલા મલાવી દીધા હોત.
જો તમને આ સ્ટોરી સારી લાગી હોય તો દરેક ગ્રુપમાં દરેક લોકો સાથે શેર કરજો. અને આ સ્ટોરી ને 1 થી 10 ની વચ્ચે કમેન્ટમાં રેટિંગ જરૂર આપજો.
