રણવીર સિંહે શરૂ કરી ક્રિકેટ ની પ્રેક્ટિસ, કપિલ દેવ બનવાની તૈયારી!
રણવીર સિંહ ફિલ્મ સિમ્બા બોક્સ ઓફિસ પર સુપરહિટ થઈ ચૂકી છે. આ સિવાય તેની બીજી ફિલ્મ ગલી બોય નું પણ ટ્રેલર રીલિઝ થઈ ચૂક્યું છે. તેના ટ્રેલરને પણ ઘણી પ્રશંસા મળી રહી છે. રણવીર સિંહ એક એવા અભિનેતા છે જે હંમેશા પોતાના રોલ માં ઉતરી જતા હોય છે.
એટલું જ નહીં તેને ચેલેન્જિંગ રોલ કરવાનો પણ શોખ છે. અને તેના જેટલી એનર્જી લગભગ જ બીજા કોઈ અભિનેતા માં હશે. તે પોતાના દરેક રોલને પોતાની પૂરેપૂરી એનર્જી થી નિભાવી જાણે છે. એ પછી પોલીસવાળાનો રોલ હોય કે પછી ક્રિકેટર નો.
જી હા અમે અહીં ક્રિકેટર નો ઉચ્ચારણ એટલે કર્યું કે રણવીર સિંહ ની એક નવી ફિલ્મ આવી રહી છે જેમાં તે બીજા કોઈ નહીં પરંતુ દિગ્ગજ ક્રિકેટર કપિલ દેવ નો રોલ કરી રહ્યા છે. આ ફિલ્મ ભારતીય ક્રિકેટ ટીમના પૂર્વ કપ્તાન કપિલ દેવ ના જીવન પર આધારિત છે. પરંતુ ઘણા લોકો કહે છે કે આ ફિલ્મ કપિલ દેવ ની બાયોપીક છે.
જ્યારે ફિલ્મના ફર્સ્ટ લોન્ચ દરમિયાન કહેવામાં આવ્યું હતું કે આ કપિલ દેવ ની બાયોપીક નથી. પરંતુ તેની જિંદગીના અમુક કિસ્સાઓને આ ફિલ્મ સાથે જોડવામાં આવ્યા છે.
આ ફિલ્મનું નામ 83 છે. અને આ ફિલ્મનું શૂટિંગ જાન્યુઆરીના છેલ્લા અઠવાડિયામાં શરૂ થઈ જશે. આવી રહ્યું છે કે આ ફિલ્મ માટે ખુદ કપિલદેવ રણવીર સિંહ ને ક્રિકેટ રમતા શીખવશે. એટલું જ નહીં આ ફિલ્મ માટે ભરપૂર તૈયારીઓ પણ ચાલુ કરી દીધી છે.
અને આ ફિલ્મમાં કપિલ દેવના ઘણા શોટ નું પણ રણવીર અનુકરણ કરશે. જો તમે દીપવીર ના ચાહક હોય તો તમારી માટે પણ ખુશ ખબરી છે. દીપીકા પણ આ ફિલ્મમાં જોવા મળી શકે છે. આ ફિલ્મને કબીર ખાન ડિરેક્ટ કરી રહ્યા છે. જ્યારે ખબરો એવી આવી રહી છે કે દીપિકા પણ આ ફિલ્મનો એક ભાગ બનશે. પરંતુ દુઃખદ વાત એ છે કે આ ફિલ્મ તમારે જોવા માટે એક વર્ષથી પણ વધારે રાહ જોવી પડશે. એટલે કે આ ફિલ્મ 2020 માં રિલીઝ થવાની છે.
પાછલા કેટલાક વર્ષોમાં રણવીરસિંહે ઘણી સફળ ફિલ્મો આપી છે, હવે જોવાનું એ રહ્યું કે તેની આ ફિલ્મ કેટલી સફળ નીવડે છે. અને આમ પણ તે કોઈ પણ રોલ કરે તેમાં જીગર જાન નાખીને ઉતરી જાય છે જેમ કે તેના બાજીરાવ ના રોલ ને લોકો આજ સુધી ભૂલ્યા નથી.
