એક યુવકના હમણાં જ લગ્ન થયા હતા. યુવકની પત્ની યુવકની માતા અને તે પોતે એમ ત્રણ જણા જ ઘરમાં રહેતા હતા. યુવકના પિતાનું અવસાન તે નાનો હતો ત્યારે જ થઈ ગયું હતું. યુવક ભણી ગણીને મોટો થઈને નોકરી ધંધે લાગ્યા પછી માંડ બે પાંદડે થયા હતા, ત્યાં લગન આવી જતા અચાનક મોટો ખર્ચો થઈ ગયો.
હવે યુવક ફરી પાછો પોતાના ધંધે લાગી ગયો હતો અને ખૂબ જ મહેનત કરીને ધીમે ધીમે ફરી પાછું કમાઈ રહ્યો હતો.
એવામાં લગ્નના ત્રણેક મહિના પછી અચાનક પત્ની નો અંદર રૂમ માંથી અવાજ આવ્યો કે જલ્દી આવો જલ્દી આવો. આથી ગભરાઈ ગયેલો પતિ હજુ ઓફિસ જવા નીકળતો હતો કે તરત જ આવી બૂમ સાંભળીને તે રૂમમાં દોડીને ગયો.
પત્નીએ કહ્યું મારી વીંટી અહીં રાખી હતી, મળતી નથી. એ વીંટી એટલે બીજી કોઈ મામૂલી નહીં પરંતુ લગ્નની કરાવેલી સોનાની વીંટી હતી. આથી મોંઘી હોવાથી પતિ સહેજ ગભરાઈ ગયો, લગ્ન નો ખર્ચો હજી પૂરો નથી થયો એવા માં આ વીંટી ખોવાઈ ગઈ, હવે શું થશે? પણ છતા ભગવાનને પ્રાર્થના કરીને પત્નીને સાંત્વના આપવા લાગ્યો કે, આટલામાં જ હશે મળી જશે.
થોડી વખત સુધી આમતેમ ઘણી જગ્યાએ શોધી પરંતુ એક પણ જગ્યાએ વીંટી મળી નહીં. પત્નીના ચહેરા ઉપર પોતાના લગ્નની વીંટી ખોવાઈ જાય તો કેવા હાલ થવા જોઈએ! સ્વાભાવિક વાત છે કે આટલી મોંઘી વીંટી ખોવાઈ જાય તો દરેક લોકો નિરાશ અને ઉદાસ થઈ જાય પરંતુ પતિએ પત્નીના ચહેરા માં આવું ખાસ પ્રકારે કંઈ જોવા મળ્યું નહીં, એને લાગ્યું કે દાળમાં કંઈક કાળું છે. પરંતુ તે કંઈ બોલ્યો નહીં.
એવામા પત્નીએ કહ્યું કે હું તો નાવા બેઠી હતી ત્યારે વીટી અહીં જ રાખીને ગઈ હતી, પાછળથી કદાચ મમ્મી આવ્યા હોય તો એને લઈ લીધું હોય તેવું બની શકે, પતિ આરો પોતાની માતા પર ઢળતો સાંભળીને ચોંકી ગયો અને તરત જ કહ્યું કે તું શું કહે છે તેનું તને ભાન છે? પરંતુ પત્ની પોતાની વાત પર થી ડગી નહિ, હવે પતિ થી રહેવાયું નહીં તેને પોતાની પત્નીને કહી દીધું કે તું તારી હદમાં રહીને વાત કર.
પત્નીએ કહ્યું કે મેં વીંટી અહી ટેબલ પર રાખી હતી અને મારી અને તમારી સિવાય આ રૂમમાં કોઈ આવ્યું જ નથી તો હોય કે ન હોય પરંતુ વીંટી મમ્મીએ જ લીધી છે.
એકને એક વાત વારંવાર તે જણાવી રહી હતી, વાત જ્યારે હદ બહાર જતી રહી તો પતિ ખૂબ જ ગુસ્સે થઈ ગયો અને ત્રણ મહિના પહેલા જ જેની સાથે લગ્ન કર્યા હતા તે જ પત્નીને ગાલ ઉપર તમાચો મારી દીધો.
પત્નીથી તમાચો સહન થયો નહીં એટલે તે ઘર છોડીને જવા લાગી અને જતાં જતાં એક સવાલ પૂછ્યો કે તમને તમારી મમ્મી ઉપર આટલો વિશ્વાસ કેમ છે?
ત્યારે પતિએ જવાબ આપ્યો જ્યારે હું નાનો હતો ત્યારે મારા પિતા અવસાન પામ્યા હતા અને મા ઘરે ઘરે કામ કરીને જે પણ કંઈ કમાતી એમાંથી અમારા ખાવાપીવાના ખર્ચાની કરતા હતા.
માં એક થાળીમાં મને પીરસી દેતી હતી અને ખાલી ડબ્બા ને ઢાંકી ને રાખી દેતી હતી અને હું જ્યારે પૂછ્યું કે મમ્મી તમારી રોટલી ક્યાં છે તો જવાબ આપતી કે મારી રોટલી આ ડબ્બામાં છે બેટા તું ખાઈ લે. હું હંમેશા અડધી રોટલી ખાય ને કહેતો હતો કે મમ્મી મારું પેટ ભરાઈ ગયું છે અને મારે હવે વધુ નથી ખાવું. જે માતાએ મને મારી એટલી રોટલી ખાઇને મોટો કર્યો હોય અને આજે જ્યારે હું બે રોટલી કમાવા લાયક થયો હોય તે બધું મારી માતા ને કારણે છે. આથી આટલા વર્ષો પછી એટલું તો હું મારી માતાને સમજી શક્યો છું કે તે સમયે પણ માતાએ તેની ઉંમરની ઈચ્છાઓને મારીને મને મોટો કર્યો હોય એ માતા આજે આ ઉંમરે વીંટી ની ભૂખી ના હોય.
હું વિચારી પણ નથી શકતો કે તું તમારી સાથે માત્ર ત્રણ મહિનાથી છે પરંતુ મેં તો માતાને 25 વર્ષોથી જોઈ છે. અંતે પત્ની મોઢું બગાડીને ચાલી નીકળી.
પાછળ તેની માતા રસોડામાં ઉભા ઉભા બધું સાંભળી રહી હતી ગોરધન આંખના આસુ ને તે રોકી શકી નહીં. અને રડવા લાગી, માતા નો રડવાનો અવાજ સાંભળીને તરત જ દીકરો તેની પાસે ગયો, માતાએ કહ્યું દીકરા હવે શું કરીશ તું પેલી વીંટી નું? દીકરાએ તરત જ જવાબ આપી દીધો કે મમ્મી તમારાથી વિશેષ મારા માટે કશું નથી, આવી કેટલીયે વીંટી તમારી માટે કુરબાન થઈ જાય તો પણ મને વાંધો નથી.
પત્ની સાથે આવી માથાકૂટ થયા પછી તેને અંદાજો તો આવી ગયો કે લગ્ન અને લગ્ન નહીં પરંતુ તેની સાથે થયેલી એક છેતરપીંડી હતી! તેમ છતાં તે પોતાની માતાને ભેટી પડ્યો.
જો સ્ટોરી તમને સારી લાગી હોય તો દરેક ગ્રુપમાં શેર કરજો, તેથી દરેક લોકો આ સ્ટોરી વાંચીને મા ની મમતા નો દાખલો જોઈ શકે. અને કોમેન્ટમાં સ્ટોરી ને 1 થી 10 ની વચ્ચે રેટિંગ પણ આપવાનું ભૂલતા નહીં.
