પણ યુવાન પોતાની વાત પર અડગ રહ્યો અને તેણે સીટ આપવાની ના પાડી. બસ, પછી તો યુવતીએ પોતાનું અસલી રૂપ બતાવવાનું શરૂ કર્યું. તેણે ધમકી આપી કે જો યુવાન સીટ નહીં આપે તો તે જોરજોરથી બૂમ પાડશે અને કહેશે કે યુવાન તેને હેરાન કરી રહ્યો છે.
આ સાંભળીને યુવાન અને તેનો મિત્ર બંને ડરી ગયા. તેમને ખબર હતી કે ભારતીય કાયદા આવી પરિસ્થિતિઓમાં ઘણીવાર મહિલાઓની તરફેણમાં હોય છે. આ ડરથી યુવાને હાર માની લીધી અને પોતાની લોઅર બર્થ પેલી યુવતીને આપી દીધી. પછી તે ટિકિટ ચેકર (TC) આવે તેની રાહ જોવા લાગ્યો.
થોડીવાર પછી જ્યારે ટીસી આવ્યા ત્યારે યુવાને તેમને બનેલી ઘટના વિશે ફરિયાદ કરી. ટીસીએ પહેલા તો યુવતી સાથે દલીલ કરવાનો પ્રયાસ કર્યો, પણ પછી જ્યારે યુવતીએ તેની સાથે માસુમ ચહેરો કરી વાત કરી ત્યારે ટીસીએ યુવાનને કહ્યું, “અરે ભાઈ, લડકી હૈ, સમઝ લિયા કરો. તુમ તો લડકે હો ના, ચઢ જાઓ ઉપર કી બર્થ મેં.” (અરે ભાઈ, તે છોકરી છે, સમજી જાઓ. તમે તો છોકરા છો ને, ચઢી જાઓ ઉપરની બર્થમાં).
આ સાંભળીને યુવાન અંદરથી ખૂબ જ દુઃખી અને હતાશ થઈ ગયો. તેણે પોતાના અનુભવના અંતે લખ્યું હતું કે ફેમિનિસ્ટો ભલે જેન્ડર ઇક્વાલિટી (લિંગ સમાનતા)ની વાતો કરે, પણ કેટલીક મહિલાઓ પોતે નબળી હોવાનો દેખાડો કરીને આવી રીતે ફાયદો ઉઠાવતી હોય છે.
ખરેખર, આ કિસ્સો સોશિયલ મીડિયા પર વાયરલ થયો અને તેના પર ઘણા લોકોએ પોતાની પ્રતિક્રિયાઓ આપી. કોઈએ યુવાન સાથે થયેલા વ્યવહારને ખોટો ગણાવ્યો, તો કોઈકે મહિલાઓ દ્વારા લેવાતા આવા ગેરવાજબી ફાયદાઓ પર ચર્ચા કરી. આ ઘટના દર્શાવે છે કે મુસાફરી દરમિયાન પણ કેવા કેવા અણધાર્યા પ્રસંગો બની શકે છે અને કેવી રીતે ધારણાઓ અને વાસ્તવિકતાઓ વચ્ચે ફરક જોવા મળે છે.