જીવનમાં સારા ખરાબ સમયે જો કદાચ ઘરના પણ આપણો સાથ ન આપતા હોય ત્યારે જો આપણા જીવનમાં સાચો મિત્ર આપણી સાથે હશે તો એ આપણી પડખે હંમેશા માટે ઊભો રહેશે. કોઈએ સાચું જ કહ્યું છે કે તમારી સાથે હંમેશા બે પ્રકારના લોકો હોવા જ જોઈએ કે એક કૃષ્ણ જેવા જે તમારા માટે ના રડે તો પણ તમારી જીત પાકી કરી નાખે અને બીજા કર્ણ જેવા જે તમારી માટે ત્યારે પણ લડે જ્યારે તમારી હાર સામે જોઇ શકાતી હોય. કહેવાનો મતલબ માત્ર એટલો જ છે કે આપણા જીવનમાં સાચો મિત્ર જીવનના દરેક સંજોગોમાં એ અવસ્થામાં તે આપણી સાથે હોય છે.
એક ગરીબ માણસ હતો જેને સંતાન એકની એક દીકરી હતી. નાનપણથી તેને ખૂબ જ લાડકોડથી ઉછેરી હતી. મોટી થયા પછી દીકરી માટે જોવાનું પણ ચાલુ કર્યું, અને વ્યવસ્થિત જગ્યાએ નક્કી કર્યા પછી સગાઇ નક્કી કરી નાખી. થોડા સમય પછી વેવાઈ પક્ષના લોકો દીકરીના લગ્ન સમજવા માટે આવે છે.
એટલે તે જ્યારે આવે છે ત્યારે બપોરે તેને ખૂબ જ પ્રેમથી જમાડે છે અને પછી દીકરીનો બાપ સામા પક્ષને એટલી વિનંતી કરે છે કે મારે દીકરીને થોડી વસ્તુઓ આપવી છે પરંતુ હમણાં સગવડતા નથી તો તમે એક વર્ષ સુધી લગ્ન મોકૂફ રાખો.
એટલે તરત જ સામા પક્ષે વાળા પૂછે છે કે જો તમે કહેતા હોય તો અમે તમને થોડો ટેકો પણ આપી શકીએ છીએ. આ વાત સાંભળીને દીકરીનો બાપ તરત જવાબ આપતાં કહે છે કે જો હું દીકરી નો રૂપિયો લઉ તો એ મને કોઈ દિવસ પચે નહીં, મારી જિંદગીમાં પણ મારા દીકરી ના ઘરનો પૈસા લેવાય નહીં.
એ માણસનો સ્પષ્ટપણે માનવું હતું કે જો દીકરી ના ઘરનો પૈસો લઈએ તો નરકમાં પણ મને સ્થાન નહીં મળે.
આટલું સાંભળ્યા પછી આવેલા મહેમાનને કહ્યું કે તમે ત્રણ ત્રણ વર્ષથી લગ્ન પાછળ ઠેલ્વો છો પણ જો આ વર્ષે પણ લગ્ન ઠેલવ્યા તો હું સંબંધ તોડી નાખીશ. આ સાંભળીને દીકરીના બાપ ના આંખમાંથી અશ્રુધારા વહેવા લાગે છે અને તે આજીજી કરે છે કે સંબંધનો તોડતા, અને પછી પંડિત ને બોલાવીને તે દીકરીના લગ્ન નક્કી કરી નાખે છે.
મહેમાન લગ્ન લઇને રવાના થઇ જાય છે, પરંતુ આ બાજુ દીકરીના બાપને એક રાત પણ નીંદર આવતી નથી તે કાયમ વિચારોમાં પડ્યો રહે છે કે ઘરમાં ફુટી કોડી નથી અને એવામાં જો ટૂંક સમયમાં પ્રસંગ આવી રહ્યો છે તો મારી દીકરી નો પ્રસંગ કેમ સાચવીશ. અને તે આવું વિચારીને સુવાની કોશિષ કરે છે પણ કોઈ કાળે તેને નિંદર આવતી જ નથી. અને તેની દીકરી નો પ્રસંગ કઈ રીતે સાચવશે તેના વિચારમાં જ તે ખોવાયેલો રહે છે.
અચાનક તેને યાદ આવે છે કે તેનો એક મિત્ર છે તે તેની પાસે પૈસા માગી શકે છે પરંતુ ફરી પાછો પોતે ને પોતે એમ વિચારે છે કે જો મેં કોઈ દિવસ એ મિત્ર પાસેથી કોઈ જ વસ્તુ માંગી નથી અને કદાચ હું તેની પાસે જઈને પૈસા માંગું તો પૈસાને કારણે કદાચ અમારી મિત્રતા તૂટી જાય તે પોસાય નહીં.
તેના મનમાં આ વિચાર પણ સતત ઘુમરાયા કરે છે, અંતે તે બધા વિચારો પડતા મૂકીને એમ વિચારે છે કે હું મિત્રના ઘરે ગમે ત્યારે જઈ શકું છું. કારણ કે અમારી મિત્રતા તો ખૂબ જ ગાઢ છે. અંતે મન મક્કમ કરીને તે તેના મિત્રના ઘરે જવા રવાના થાય છે.
મિત્ર ના ઘરે પહોંચીને તરત જ તે બધાને નમસ્કાર કરે છે, તેના મિત્રને તરત જ ખબર પડે છે કે તેનો મિત્ર મળવા આવ્યો છે. અને રાત્રિના અંદાજે ૧૨ વાગ્યાનો સમય થયો હતો એટલે મિત્ર ને પણ થોડું આશ્ચર્ય થાય છે કે આ મોડો કેમ આવ્યો છે. પેલો માણસ ત્યાં બેઠો છે પરંતુ પોતે ત્યાં પૈસા માંગવાના કારણથી ગયો હોવાથી તેને ખૂબ જ શરમ આવે છે અને શરમના માર્યા તે માણસ ઊંચું પણ જોઈ શકતા નથી. એ દીકરીના ના પિતા ને આંખમાંથી અશ્રુધારા પણ વહી જાય છે પરંતુ તે મોઢામાંથી કંઈ બોલી શકતો નથી.
પણ મિત્ર તરત જ સ્થિતિ ને પારખી લે છે અને તેના મિત્રને પૂછે છે કે તું તો આવા સમયે કોઈ દિવસ આવતો નથી આજે આવ્યો છે, શું કારણ છે? પેલા માણસ થી કઈ જવાબ ન મળતા તે ફરી પાછો પૂછે છે કે તારે શું તકલીફ છે તે મને જણાવ. અને જો તકલીફ ન જણાવે તો તને આપણી આ મિત્રતા ના સમ છે.
ત્યારે પેલો દીકરીના પિતા કહે છે કે આજે મહેમાન આવ્યા હતા. વાહ સરસ એ તો સારું કહેવાય, મિત્ર તેને જવાબ આપે છે. દીકરીના પિતા કહે છે કે આજે લગ્ન લખી આપ્યા. યાર મિત્ર તેને જવાબ આપે છે કે એ તો ખુબ જ સરસ વાત કહેવાય હવે તું મને એ કહે કે તારે શું કામ છે?
ત્યારે દીકરીના લાચાર પિતા એટલું કહે છે કે જો તને તારા આ મિત્ર ઉપર ભરોસો હોય તમને ખાલી એક લાખ રૂપિયા આપ હું દૂધે ધોઈને વહેલામાં વહેલી તકે તને તારા પૈસા પાછા આપી દઈશ.
ત્યારે મિત્રો તને જવાબ આપે છે કે ખાલી આ કામ માટે તું મને આવું કહી રહ્યો છે. તેની સાથે વાત કરતા કરતા તે પત્નીને રૂપિયા લઈ આવવાનું કહે છે.
પૈસા દીકરીના પિતા ના હાથમાં સોંપીને તે કહે છે તારી અનુકુળતા હોય તો જ પાછા આપજે, નહીતર હું પણ એમ સમજી લઇશ કે મેં મારી દીકરી ને આપ્યા હતા! અને જો તું કોઈ પણ વાતની ચિંતા ન કરતો હું કોઈપણ ને કહીશ નહીં કે મેં તને આ રૂપિયા આપ્યા છે. અને હજુ તો તારે વધારે રૂપિયાની જરૂર હોય અને ન લેવા આવે તો ફરી પાછા તને આપણી મિત્રતા ના સમ છે આટલી વાત યાદ રાખજો.
પૈસા લઈને દીકરીના પિતા ત્યાંથી નીકળી જાય છે. થોડીવાર પછી તેનો મિત્ર ઘરમાં રડવા માંડે છે. તેના પતિને આમ અચાનક રડતા જોઈને પત્ની આશ્ચર્યચકિત થઈ જાય છે અને પૂછે છે કે તમે શું કામ કરો છો, તમે પૈસા તો આપી દીધા. અને ચિંતા માત્ર એ જ છે ને કે પાછા આવશે કે કેમ?
ત્યારે તેનો પતિ તેને જવાબ આપે છે કે પાછા આવે કે નહીં તેની કોઈ જાતની ચિંતા નથી, પરંતુ અમે બંને મિત્રો આટલા વર્ષો જૂનો સંબંધ હોવા છતાં, અને હાલતા ને ચાલતા અમે એકબીજા સાથે મળીએ છીએ તેમ છતાં હું તેની પરિસ્થિતિને ઓળખી ન શક્યો તેનું મને દુઃખ થાય છે. મારે સામે ચાલીને તેને મદદ કરવા જવું જોઈએ. અને એની જગ્યાએ તે મારા ઘરે આવીને માંગે એના આંસુ મને આવે છે. પોતાના પતિ આજે એક સાચા મિત્ર તરીકે મિત્રતા નિભાવી હતી, તે સાંભળીને પત્ની અંદરોઅંદર ખુબ જ ખુશ થઇ.
તમને જો આ સ્ટોરી ગમી હોય તો શેર કરજો, કમેન્ટમાં આ સ્ટોરી ને તમે કેટલા રેટિંગ આપો છો તે પણ જણાવશો.
