લગ્નજીવનને સુખી કેમ બનાવવુ? પરિણીત લોકો એ અચૂક વાંચવું
છોકરા અને છોકરી ના લગ્ન થઈ ચૂક્યા હતા પરંતુ એ બન્ને વચ્ચે મનમેળ ન હતો. અર્થાત બંને વચ્ચે કોઈ પણ વાતમાં બનતું નહીં. કુંડળીમાં બધા ગુણ મેળવીને જ લગ્ન કરાવ્યા હતા પરંતુ લગ્નના એક વર્ષમાં જ માથાકૂટ શરૂ થઈ ગઈ હતી.
પત્ની પોતાના સાસરા વાળાઓ ના એ અવગુણોનું પણ પોસ્ટ મોર્ટમ કરી નાખતી જેને બીજું કોઈ જોઈ પણ શકતો નહીં. અને હવે જાણે એમ જ લાગી રહ્યું હતું કે બંને વચ્ચે છૂટાછેડા જ થઈ જશે અને આખું ઘર નષ્ટ થઈ જશે.
બધાએ કોશિશ કરી લીધી આ સંબંધ બચાવવાની, તેનાથી બે પરિવાર નષ્ટ થતા બચી શકે. પરંતુ બધી કોશિશો વ્યર્થ જતી રહી. જે પણ લોકો ઘરે આવતા પત્ની તેને પોતાના પતિ અને દરેક ખામીઓ ગણાવતી રહેતી અને કહેતી કે તેની સાથે રહેવું તે અસંભવ છે. કહેતી કે એની સાથે તો એક મિનિટ પણ રહી શકાતું નથી. બે બાળકો થઈ ગયા છે અને બાળકો માટે જ કોઈપણ રીતે જિંદગી પસાર કરી રહી છે.
એટલું જ નહીં તેના આ બગડેલા સંબંધની વાત જાણે આખી શેરીમાં ચર્ચાનો વિષય બની ગઈ હતી. એવામાં એક દિવસે એક માણસ શાક વેચતો તેના ઘર પાસે શેરીમાં આવી પહોંચ્યો.
એ દિવસે ઘરમાં પણ કોઈ શાક હતું નહીં આથી તેની પત્ની ને થયું કે તે શાક વાળો આવ્યો છે તો તેની પાસેથી જ શાક લઈ લે.
આથી એને પૂછ્યું કે એ શાક વાળા, તારી પાસે કયા કયા શાક છે?
બહેન મારી પાસે બટેટા, રીંગણા, ભીંડા, ટમેટા અને કોબીજ છે.
જરા દેખાડો તો કેવા શાક છે?
આથી શાક વાળા એ શાકની ટોપલી નીચે રાખી એટલે પેલી સ્ત્રી ટમેટા જોવા લાગી, એવામાં શાકવાળા એ કહ્યું કે બહેન તમે ટમેટા નહીં લેતા. કારણકે આ ટમેટા પડ્યા છે તેમાંથી બે ચાર ટમેટા ખરાબ થઇ ચુક્યા છે. તમે એક કામ કરો બટેટા લઈ લો.
અરે, મારે ટમેટા જોઈએ છે તો પછી બટેટા શું કામ ખરીદુ? તમે એક કામ કરો, શાંતિથી ઉભા રહો હું આ ટામેટા માંથી સારા સારા ટમેટાને અલગ પાડી લઉં છું.
આથી શાક વાળા એ બધા ટમેટા થોડા આગળ કરી દીધા અને પેલી સ્ત્રી ટમેટા માંથી સારા ટમેટા વિણવા લાગી. અને એક થી સારા એક એવા બે કિલો ટામેટા અલગ કાઢીને પછી તેને ભીંડા બાજુ નજર કરી.
એવામાં શાકવાળો ફરી પાછો બોલી ઉઠ્યો, બહેન તમે ભીંડો રહેવા દો ભીંડામાં તમારું કામ નથી. આ ભીંડો થોડો ખરાબ છે તમે એક કામ કરો બટેટા લઈ લો એ જ તમારી માટે ઠીક છે.
અરે ગજબનો શાકવાળો છે તું, વારંવાર કહી રહ્યો છે કે બટેટા લઈ લો, બટેટા લઈ લો. તો શું આ ભીંડા, ટમેટા કોના માટે છે? મારા માટે નથી કે શું?
હું બધા શાક વેચું છું બહેન પણ તમારે ટમેટા અને ભિંડો જ જોઈએ છે. મને ખબર છે કે મારી લારીમાં થોડા ટમેટા અને થોડા ભીંડા ખરાબ છે. એટલે હું તમને ના પાડી રહ્યો છું આના સિવાય બીજું કોઈ કારણ નથી.
અરે પણ હું તો મારી રીતે સારા ટમેટા અને ભીંડા વીણી તો શકુ છું ને. જે ખરાબ છે, એને છોડી દઈશ. અને મને સારા શાકભાજી ની ઓળખ છે. આથી હું સારી સારી વસ્તુ ને અપનાવી લઈશ.
ખૂબ જ સારું બહેન, તમને સારા ટમેટા વીણવા ની ઓળખ છે. તમે સારા ભીંડા પણ લઈ શકો છો.
તમે ખરાબ ટામેટાને સાઈડ પર કરી નાખ્યા. ખરાબ ભીંડા પણ એક બાજુ હટાવી દીધા, પરંતુ તમારા સંબંધમાં તમે એક પણ સારી વસ્તુ હજુ સુધી જાણી શક્યા નથી. તમને માત્ર તેમાં ખરાબી જ ખરાબી નજરે આવે છે.
બહેન ખોટું નથી લગાડતા પરંતુ તમે જેમ ટમેટા વીણી લીધા, ભીંડા પણ સારા સારા અલગ કરી નાખ્યા અને તમને જે કામ આવે એવા હતા તેવા લઈ લીધા એવી રીતના કોઈપણ માણસ માં કંઈ ને કંઈ તો સારી બાબતો હોય છે. જો તમને એ વીણતા આવડતું હોત તો આજે આખી શેરીમાં તમારા બગડી ગયેલા સંબંધ વિશે ચર્ચા ન થઈ રહી હોત.
શાક વાળો તો આટલું કહીને હિસાબ કરીને ચાલ્યો ગયો. પરંતુ એ સ્ત્રીએ એ દિવસે સંબંધને પરખવાની વિદ્યા શીખી લીધી હતી. પછી એ સાંજે ખૂબ જ સારું શાક બન્યું હતું, બધાએ ખાઈ અને એટલું જ કહ્યું વાહ! વહુ હોય તો આવી.
આમાંથી એટલું તો સમજી જ શકાય છે કે સંબંધને બગાડવા માટે અને સંબંધને બનાવવા માટે જવાબદાર માત્ર આપણે પોતે જ છીએ. આથી સંબંધને સમજવાની કોશિશ કરવી જોઈએ.
આ લેખ ને લાખો લોકો સુધી પહોંચે એમ શેર કરજો... કારણ કે આ લેખ માંથી ઘણા પરિણીત લોકો ને પ્રેરણા મળી શકે તેમ છે.
દરેક ગ્રુપ માં શેર કરજો!
આ વાત પરથી પ્રેરણા મળે છે કે પતિ અને પત્ની બંને એકબીજાની સારી આદતો ને શોધી શકવા જોઈએ, અને લગ્નજીવનમાં પતિ અને પત્ની બંને એકબીજાને અનુરૂપ થઈને રહે તો તેનું લગ્નજીવન સુખમય બની જાય છે.
