શાંતીનું તોફાન – પરિણીત હોય તો અચૂક વાંચજો

સૂર્યના કિરણો રૂમના પડદાને વીંધીને અંદર આવી ગયા, જેના કારણે આભા જાગી ગઈ. ઓશીકા પર માથું રાખીને શાંત દેખાતા અશોકને જોઈને લાગ્યું કે કદાચ ગઈ રાતનું તોફાન ચાલ્યું ગયું છે. પરંતુ ઊંડાણપૂર્વક તે જાણતી હતી કે વાસ્તવિક તોફાન હજુ આવવાનું બાકી હતું. ગત રાત્રે લગ્નના 12 વર્ષ પછી અશોકે છૂટાછેડાની વાત કરીને ઘરમાં ચકચાર મચાવી દીધી હતી.

આભા ધીમેથી ઊભી થઈ અને બાળકોના રૂમ તરફ ગઈ. બંને હજુ સુતા હતા. તેને આ યુદ્ધ વિશે કોઈ ખ્યાલ નહોતો. આભાને તેની નિર્દોષતા પર દયા આવી. પછી તેને યાદ આવ્યું કે આજે અશોકનો મિત્ર રાહુલ આવવાનો હતો. રાહુલ અશોકનો સૌથી નજીકનો મિત્ર હતો અને તે અશોકને સમજતો હતો. એટલું જ નહીં તેની નબળાઈઓ પણ જાણતો હતો. કદાચ રાહુલ આ તોફાનને શાંત કરી શકે તેવું આભા ને લાગી રહ્યું હતું.

થોડી વાર પછી રાહુલ આવ્યો. ઘરમાં તણાવ સ્પષ્ટપણે અનુભવાયો હતો. રાહુલ આવીને ઘરમાં બેઠો આમતેમ નજર કરી, ભાભી સાથે નમસ્તે કર્યું અને પૂછ્યું અશોક જાગી ગયો કે કેમ, તેના કોઈપણ સવાલનો જવાબ આપતા પહેલા આભાના ઘરે જાણે ડૂમો ભરાઈ ગયો હતો. અને પોતાની અંદર ની ગભરાહટ એક જ ઝટકે બધી બહાર આવી ગઈ જ્યારે આભા રડી પડી. રાહુલે આશ્ચર્યથી આભા સામે જોયું. ઓરડામાં મૌન હતું, જે ફક્ત બાળકોના નિદ્રાધીન શ્વાસોથી તૂટી ગયું હતું.

રાહુલ તરત જ બોલી ઉઠ્યો અરે ભાભી કેમ રડો છો?? અશોક ક્યાં છે, શું થયું? અશોકની સાથે ગઈકાલે જ મારે વાત થઈ હતી હું આજે આવવાનો હતો. હજી એ તૈયાર કેમ નથી થયો? શું વાત છે ભાભી મને કહો? થોડી ક્ષણના મૌન પછી આભા બોલી, “અશોક છૂટાછેડા લેવા માંગે છે. તે… તે મારાથી અલગ થવા માંગે છે.” રાહુલે આજુબાજુ જોયું. તેની નજર અશોકના માતાને શોધી રહી હતી પરંતુ આજુબાજુમાં અશોકના માતા ક્યાંય દેખાયા નહીં. પછી તેણે આભાને પૂછ્યું, “આન્ટી ક્યાં છે?”

અશોક રૂમમાં બેઠો બેઠો તેના મિત્ર અને તેની પત્ની વચ્ચેની બધી વાતો ચિતો સાંભળી રહ્યો હતો, તે અત્યાર સુધી કંઈ જ બોલ્યો નહોતો. મૌન રહેલા અશોકે હવે તેનું મૌન તોડી નાખ્યું અને રૂમમાંથી બહાર આવતા આવતા તેના મિત્ર રાહુલને ભાવુક થઈને ગળગળા શબ્દોમાં કહ્યું કે, અરે એને તો મેં ત્રણ દિવસ પહેલા જ વૃદ્ધાશ્રમ માં મૂકી દીધા. ઓરડામાં પીન-ડ્રોપ સાયલન્સ છવાઈ ગયું હતું.

“કેમ?” રાહુલના અવાજમાં ગુસ્સો અને આઘાત બંને દેખાતા હતા.