પતિ અને પત્ની બીમાર પડ્યા… પરંતુ પછી જે બન્યું તેનાથી પતિ ની જીંદગી…
પછી એક-બે વખત મેં તેને પૂછ્યું કે તારી તબિયત હવે કેવી છે, તારે કોઈ દવા ખાવી છે? વગેરે વગેરે વાતચીત કરતા કરતા હું પણ પછી મોબાઇલની સ્ક્રીન સામે થોડા સમય સુધી જોતો જોતો સૂઈ ગયો.
બીજા દિવસે પત્ની મારા કરતા પણ વહેલી ઉઠી અને મને એમ થયું કે હવે તેની તબિયત બિલકુલ સારી થઈ ગઈ છે અને પછી મે તેને ફરી પાછું તાવ વિશે પૂછ્યું નહીં, કારણકે મને તો એવું જ લાગી રહ્યું હતું કે તે ઠીક થઈ ગઈ છે.
ગઈકાલે મને પણ થોડી શરદી જેવું હતું અને બેથી ત્રણ વખત છીંક પણ આવી હતી. આજે પણ ઓફિસમાં થોડી ઘણી ઉધરસ આવી હતી. ઘરે ગયો અને પત્ની સામે પણ થોડી ઉધરસ આવી હતી તેને તરત ખબર પડી ગઈ અને તેને મને કહ્યું કે તમારી તો તબિયત બરાબર નથી.
તરત તેને મારા માથા પર હાથ રાખીને તપાસી ઓકે મને તાવ છે કે કેમ, પછી કહ્યું કે તાવ આવતો નથી પરંતુ તમારું ગળું ખરાબ છે જેથી તમે અહીં સુઈ જાવ. હું તમને છાતી પર બામ ઘસી આપું છું. મેં કહ્યું કે અરે એવી કોઈ જ વાત નથી પરંતુ મને તેને તરત જ બામ ઘસી આપ્યો.
હજુ તો બામ ઘસીને હું સુઈ રહ્યો હતો ત્યાં તે મારા માટે ગરમા-ગરમ મસાલેદાર ચા બનાવીને આવી ગઈ. અને તરત જ મને ચા પણ પીવડાવી દીધી. પછી થોડા સમય પછી મને ગરમાગરમ દૂધ, આપ્યો અને કહ્યું કે આનાથી તમારા ગળામાં તરત રાહત થઇ જશે.
આ બધું થયા પછી મારી બાજુ માં આવી ને બેઠી અને કહ્યું કે આટલી બધી તબિયત ખરાબ છે તો ઓફિસેથી વહેલા આવી ગયા હોત તો? મને તરત જ મારા બાળપણની યાદ આવી ગઈ ત્યારે મને પણ ક્યારે પણ તાવ આવતો ત્યારે મારી મા મારી બાજુમાં બેસી રહેતી, હું સૂઈ રહેતો પરંતુ તે જાગતી રહેતી. આજે પણ હું સુતો હતો અને પત્ની જાગી રહી હતી.
મારા માથા પર તે પંપાળી રહી હતી, આ તે મને ખબર ન રહી કે ક્યારે મને ઊંઘ આવી ગઈ, પરંતુ જેવો જાગ્યો કે તરત જ જોયું તો તે ગળા ઉપર ફરી પાછો બામ ઘસી રહી હતી, મને જાગેલો જોઇને પૂછ્યું કે શું તમને રાહત મળી રહી છે? મેં માથું ધુણાવીને હા પાડી.
તેને પૂછ્યું કે હવે થોડું જમવાનું લઇ આવું? મને ભૂખ લાગી હતી એટલે મેં હા કહી.
થોડી જ વારમાં ગરમા ગરમ રોટલી સાથે શાક, દાળ, ભાત વગેરે મારી સામે રાખી દીધો અને મને જમવાનો આગ્રહ કરવા લાગી. મને જમાડીને તે રસોડામાં ચાલી ગઈ.
હું પણ પછી જમીને આરામ કરી રહ્યો હતો ત્યારે વિચારી રહ્યો હતો કે થોડા જ દિવસો પહેલા મારી પત્ની બિમાર હતી, મેં કશું કર્યું ન હતું. એક ફોન કરી ને તેની તબિયત કેવી છે તેના વિશે પણ પૂછ્યું હતું. તેને આખા દિવસ કંઈ ખાધું ન હતું તેમ છતાં તેને બ્રેડ પીરસીને હું ગર્વ અનુભવી રહ્યો હતો કે મેં મારી પત્નીને જમવાનું આપ્યું. અને મારો પતિ ધર્મ નીભાવ્યો. મેં એ જોવાની પણ કોશિશ કરી ન હતી કે આખરે તેને કેટલો તાવ આવ્યો છે.
અને મને થોડી શરદી શું થઈ ગઈ, અને તે જાણે મારી માતા બની ગઈ. અને હું સૂતો સૂતો વિચારી રહ્યો હતો કે મહિલાઓમાં જે કરુણા અને મમતા હોય છે તે પુરુષોમાં નથી હોતી? કદાચ એટલે જ બધા કહેતા હશે કે સ્ત્રી ને સમજવી હોય તો સ્ત્રી જ બનવું પડે! આ એક નાનો અનુભવ પણ મની આજે જીંદગીમાં ઘણો મોટો મેસેજ આપી ગયો!
જો તમને આ લેખ પસંદ પડ્યો હોય તો દરેક લોકો સુધી શેર કરજો અને કોમેન્ટમાં તમારો અભિપ્રાય આપજો અને આ લેખ ને રેટીંગ પણ આપજો.
