સાસુ કંઈક બોલ્યા તો વહુને ખોટું લાગી ગયું, થોડા સમય પછી સાસુએ કારણ પુછ્યું તો વહુએ કહ્યું…
એક નાનો પરિવાર હતો, આ પરિવાર એકદમ સુખી નથી રહેતો હતો. પરિવારમાં બે દીકરા તેમની વહુ અને તેમના સાસુ સસરા રહેતા હતા. ઘરમાં એક દીકરી પણ હતી જેના લગ્ન થઈ ચુક્યા હોવાથી તે સાસરે રહેતી. અને તેનું સાસરું પણ ગામમાં જ હોવાથી તે અવારનવાર પોતાના માતા-પિતાના ઘરે આવતી રહેતી.
બધા ખુશીથી પોતાનું જીવન જીવી રહ્યા હતા, અને કોઈપણ વાર તહેવાર આવે ત્યારે આખો પરિવાર ભેગો મળીને ખુબ જ ખુશીથી આ તહેવાર ઉજવતો.
જોતજોતામાં દિવાળી આવી ગઈ અને પરિવારે દીવાળી ની તૈયારી શરૂ કરી દીધી, બંને દિકરાના બાળકો માટે અને ભાણિયાઓ માટે ઘણા બધા ફટાકડા વગેરે લઈ આવવામાં આવ્યા અને આ દિવાળી પણ પહેલાંની જેમ જ ખૂબ જ ધૂમધામથી ઉજવવામાં આવી.
દિવાળી પૂરી થઈ ત્યાર પછી બેસતા વર્ષના દિવસે મહેમાન આવતા થયા, એક વખત ઘરમાં મહેમાન આવ્યા હતા અને તેઓની સાથે સાસુ બેઠા બેઠા વાત કરી રહ્યા હતા.
વહુ અંદર રસોડામાં કામ કરી રહી હતી, એવામાં તેના કાનમાં સંભળાયો કે સાસુ મહેમાન સાથે વાત કરી રહ્યા હતા. દીકરી અને વહુ માં શું ફરક હોય છે તે વિશે વાત ચાલી રહી હોય તેવું વહુને લાગી રહ્યું હતું.
આથી થોડું ધ્યાનથી સાંભળ્યું તો સાસુ મહેમાનને કહી રહ્યા હતા કે દીકરી સાકર જેવી હોય અને વહુ મીઠા જેવી હોય.
આ વાક્ય સાંભળીને વહુ ને ખોટું લાગી ગયું, તેની સરખામણી મીઠા સાથે થતી જોઈને અને દીકરી ની સરખામણી સાકર સાથે થતી જોઈને તે ઉદાસ થઈ ગઈ.
એટલું જ નહીં મહેમાન ચાલ્યા ગયા પછી પણ તેને આ વાત મગજ માંથી જતી હતી નહીં અને તે ઉદાસ રહેવા લાગી.
જ્યારે સાંજે બધા જમવા બેઠા ત્યારે પણ વહુના મોઢા પર જરા પણ સ્માઈલ હતી નહીં, સાસુને આ વાતની ખબર પડી એટલે તરત જ તેને પૂછ્યું કે શું કામ ઉદાસ છો?
