પત્નીનું મહત્વ શું? આ સ્ટોરી દરેક લોકો વાંચજો
સવારે ઉઠીને પત્નીને બોલાવો છો. એ સાંભળ ચા લઈને આવજે. ચા હજુ માંડ પૂરી થઈ હોય એટલી વારમાં ફરી પાછું, નહાવા માટે ટુવાલ, અરે આજે બાથરૂમમાં સાબુ કેમ નથી! નાહ્યા પછી એ સાંભળ, થોડો નાસ્તો બનાવજે ગરમાગરમ.
શું વાત છે હજી સુધી છાપુ કેમ નથી આવ્યું, જરા બહાર જઈને જોઈ લે તો. અરે કોઈ દરવાજો ખટખટાવી રહ્યું છે, જઈને જોઈ લે તો કોણ છે.
આ ટુવાલ કેમ આટલો ભીનો અહીં જ પડ્યો છે જરા સૂકવી નાખ તો. ઓફિસે મારું શર્ટ નુ બટન જરા તૂટી ગયું છે જરા લગાવી દે ને. મારા મોજા ક્યાં પડ્યા છે, મારા શુઝ ક્યાં પડ્યા છે, અરે આ શૂઝમાં ડાઘ કેમ છે બુટ પોલીશ ક્યાં છે?
આજે બપોરે લંચમાં આલુ પરોઠા બનાવ્યા છે? સરસ બે વધારે રાખી દેજે. અહીં અલમારી ઉપર કેમ આટલી બધી ધૂળ જામી ગઈ છે, લાગે છે ઘણા દિવસોથી સાફ સફાઈ થઈ નથી. આ બહાર રહેલા તુલસીના છોડમાં પણ પાણી પાવાનું ભુલાઈ ગયું છે કે શું? તું આખો દિવસ શું કરે છે? આ બધું કામ યાદ નથી આવતું?
સાંજે કંઈક નવીન ખાવાનો મૂડ છે, જો ઉંધીયુ અથવા બીજું કંઈ નવીનમાં બનાવજે. અને હા ટૂંક સમયમાં બાળકોની પરીક્ષા શરૂ થઈ રહી છે તો તેની પર વધારે ધ્યાન આપજે અને ટાઈમસર બાળકોને વાંચવા બેસાડી દેજે, અને ધ્યાન રાખજે કે તેઓ મોબાઈલ પર પોતાનું વધારે ધ્યાન ન આપે અને પરીક્ષા પૂરી ન થાય ત્યાં સુધી ટીવી અને મોબાઈલમાં રોક લગાવી દે જેથી એ બંને ભણવામાં ધ્યાન આપી શકે.
આવી તો ન જાણે કેટલીય વાતો હશે જે આપણે દરરોજ પત્ની ને જણાવીએ છીએ, અને દરરોજ તેને કહીએ છીએ કે આ કરી નાખજે, પેલું કરી નાખજે વગેરે… અને મોટાભાગની આપણી દરેક ફરમાઈશ તો તે પૂરી પણ કરતી આવે છે. પરંતુ જ્યારે એક દિવસ પણ પત્ની બીમાર પડે ત્યારે આપણને ખરેખર મહત્વ સમજાય છે કે એક જ દિવસમાં ઘર કેટલું અસ્તવ્યસ્ત થઈ જાય છે.
